அபார கேட்ச் பிடித்து அசத்திய பேர்ஸ்டோவ் - வைரல் காணொளி!
ஆஸ்திரேலியாவுக்கு எதிரான கடைசி ஆஷஸ் டெஸ்ட் போட்டியில் இங்கிலாந்து வீரர் ஜானி பேர்ஸ்டோவ் பிடித்த கேட்ச் குறித்த காணொளி இணையத்தில் வைரலாகி வருகிறது.
இங்கிலாந்து – ஆஸ்திரேலியா கிரிக்கெட் அணிகள் இடையேயான வரலாற்று சிறப்புமிக்க ஆஷஸ் கிரிக்கெட் தொடர் இங்கிலாந்தில் நடைபெற்றது. ஐந்து டெஸ்ட் போட்டிகள் கொண்ட இந்த தொடரின் முதல் நான்கு போட்டிகள் முடிவில் ஆஸ்திரேலிய அணி 2 போட்டியிலும், இங்கிலாந்து அணி ஒரு போட்டியிலும் வெற்றி பெற்று 2-1 என்ற கணக்கில் ஆஸ்திரேலிய அணி முன்னிலையில் இருந்த நிலையில், இரு அணிகள் இடையேயான ஐந்தாவது மற்றும் கடைசி டெஸ்ட் போட்டி லண்டன் ஓவல் மைதானத்தில் நடைபெற்றது.
டாஸ் வென்ற ஆஸ்திரேலிய அணி முதலில் பந்துவீச்சை தேர்வு செய்ததை தொடர்ந்து முதலில் பேட்டிங் செய்த இங்கிலாந்து அணி தனது முதல் இன்னிங்ஸில் 283 ரன்களுக்கு ஆல் அவுட்டானது. இங்கிலாந்து அணியில் அதிகபட்சமாக ஹாரி ப்ரூக் 85 ரன்களும், டக்கட் 41 ரன்களும் எடுத்தனர். இதன்பின் முதல் இன்னிங்ஸை துவங்கிய ஆஸ்திரேலிய அணி 295 ரன்களுக்கு ஆல் அவுட்டானது.
Trending
அந்த அணியில் அதிகபட்சமாக ஸ்டீவ் ஸ்மித் 71 ரன்களும், கவாஜா 47 ரன்களும் எடுத்தனர். இதனையடுத்து இரண்டாவது இன்னிங்ஸை துவங்கிய இங்கிலாந்து அணிக்கு ஜோ ரூட் 91 ரன்களும், பாரிஸ்டோ 78 ரன்களும் எடுத்து கொடுத்ததன் மூலம் இரண்டாவது இன்னிங்ஸில் 395 ரன்களுக்கு ஆல் அவுட்டான இங்கிலாந்து அணி, ஆஸ்திரேலிய அணியின் வெற்றிக்கு 384 ரன்களை இலக்காக நிர்ணயித்தது.
எட்டக்கூடிய இலக்கை துரத்தி இரண்டாவது இன்னிங்ஸை துவங்கிய ஆஸ்திரேலிய அணிக்கு, கவாஜா (72), டேவிட் வார்னர் (60), ஸ்டீவ் ஸ்மித் (54) மற்றும் டர்வீஸ் ஹெட் (43) ஆகியோர் தங்களது பங்களிப்பை சரியாக செய்து கொடுத்தனர். வெற்றிக்காக இரு அணிகளும் வெறித்தனமாகவே போராடின. ஆஸ்திரேலிய அணிக்கு துவக்கம் மிக சிறப்பாக அமைந்தாலும், மிடில் ஆர்டர் வீரர்களை கிரிஸ் வோக்ஸும், மொய்ன் அலியும் அடுத்தடுத்து வெளியேற்றி போட்டியில் பெரும் திருப்புமுனையை ஏற்படுத்தினர்.
தனது கிரிகெட் கேரியரின் கடைசி போட்டியில் விளையாடிய ஸ்டூவர்ட் பிராடும் தனது கடைசி போட்டிக்கு கூடுதல் சிறப்பு சேர்க்கும் விதமாக ஆஸ்திரேலிய அண்யின் கடைசி இரண்டு விக்கெட்டுகளை கைப்பற்ற 334 ரன்களுக்கு ஆல் அவுட்டான ஆஸ்திரேலிய அணி, 49 ரன்கள் வித்தியாசத்தில் தோல்வியடைந்தது. இரண்டாவது இன்னிங்ஸில் இங்கிலாந்து அணி சார்பில் அதிகபட்சமாக கிரிஸ் வோக்ஸ் 4 விக்கெட்டுகளையும், மொய்ன் அலி 3 விக்கெட்டுகளையும் கைப்பற்றினர்.
OH MY BAIRSTOW! #EnglandCricket | #Ashes pic.twitter.com/kupdlthVIU
— England Cricket (@englandcricket) July 31, 2023
இந்நிலையில் இப்போட்டியின் போது ஆஸ்திரேலிய வீரர் மிட்செல் மார்ஷ் அடித்த பந்தை இங்கிலாந்து விக்கெட் கீப்பர் ஜானி பேர்ஸ்டோவ் அபாரமாக செயல்பட்டு கேட்ச் பிடித்து அசத்தினார். இந்நிலையில் ஜானி பேர்ஸ்டோவ் பிடித்த கேட் குறித்த காணொளி இணையத்தில் வைரலாகி வருகிறது.
Win Big, Make Your Cricket Tales Now
