இரு கைகளிலும் பந்துவீசி அசத்திய கமிந்து மெண்டிஸ் - காணொளி!
கொல்கத்தா நைட் ரைடர்ஸுக்கு எதிரான லீக் போட்டியில் சன்ரைசர்ஸ் ஹைதராபாத் வீரர் கமிந்து மெண்டிஸ் இரு கைகளிலும் பந்துவீசி அசத்திய காணொளி வைரலாகி வருகிறது.
அதன்படி களமிறங்கிய கேகேஆர் அணியில் குயின்டன் டி காக் மற்றும் சுனில் நரைன் ஆகியோர் சொற்ப ரன்களுக்கு விக்கெட்டுகளை இழந்தனர். பின்னர் களமிறங்கிய கேப்டன் அஜிங்கியா ரஹானே 38 ரன்களையும், அங்கிரிஷ் ரகுவன்ஷி 50 ரன்களிலும் விக்கெட்டை இழக்க, இறுதியில் அபார ஆட்டத்தை வெளிப்படுத்திய வெங்கடேஷ் ஐயர் மற்றும் ரிங்கு சிங் இருவரும் அணியை சவாலான இலக்கை நோக்கி அழைத்துச் சென்றனர். இதில் வெங்கடேஷ் ஐயர் 60 ரன்களுடன் ஆட்டமிழந்தார்.
அதேசமயம் இறுதிவரை ஆட்டமிழக்காமல் இருந்த ரிங்கு சிங் 32 ரன்களைச் சேர்த்து அணிக்கு வெற்றியைத் தேடிக்கொடுத்தனர். இதன்மூலம் 20 ஓவர்கள் முடிவில் கொல்கத்தா நைட் ரைடர்ஸ் அணி 6 விக்கெட் இழப்பிற்கு 200 ரன்களைச் சேர்த்தது. பின்னர் இலக்கை நோக்கி விளையாடிய சன்ரைசர்ஸ் ஹைதரபாத் அணி தொடக்கம் முதலே அடுத்தடுத்து விக்கெட்டுகளை இழந்து தடுமாறியது. அதிலும் குறிப்பாக அணியின் டாப் ஆர்டர் வீரர்களும் சோபிக்க தவறினர்.
மேற்கொண்டு அந்த அணியில் ஹென்ரிச் கிளாசென் 33 ரன்களையும், கமிந்து மெண்டிஸ் 27 ரன்களையும் சேர்த்ததை தவிர்த்து மற்ற வீரர்கள் அனைவரும் அடுத்தடுத்து சொற்ப ரன்களுக்கு விக்கெட்டுகளை இழக்க, சன்ரைசர்ஸ் ஹைதராபாத் அணி 16.4 ஓவர்களிலேயே அனைத்து விக்கெட்டுகளையும் இழந்து 120 ரன்களுக்கு ஆல் அவுட்டானது. இதன்மூலம் கொல்கத்தா நைட் ரைடர்ஸ் அணி 80 ரன்கள் வித்தியாசத்தில் சன்ரைசர்ஸ் ஹைதராபாத் அணியை வீழ்த்தி அபார வெற்றியைப் பதிவுசெய்தது.
Left Right
— IndianPremierLeague (@IPL) April 3, 2025
Right Left
Confused?
That's what Kamindu Mendis causes in the minds of batters
Updates https://t.co/jahSPzdeys#TATAIPL | #KKRvSRH | @SunRisers pic.twitter.com/IJH0N1c3kT
இந்நிலையில் இப்போட்டியில் சன்ரைசர்ஸ் ஹைதராபாத் அணிக்காக அறிமுக வீரராக களமிறங்கிய கமிந்து மெண்டிஸ் தனது பந்துவீச்சுக்கு திறனின் மூலம் ரசிகர்களின் கவனத்தை ஈர்த்துள்ளார். அதன்படி, இப்போட்டியில் ஒரே ஓவரில் இரு கைகளாலும் பந்து வீசிய முதல் வீரர் என்ற பெருமையை அவர் பெற்றார். மேற்கொண்டு ஐபிஎல் தொடரிலும் இந்த சாதனையை செய்த முதல் வீரர் எனும் பெருமையும் அவரையே சாரும்.
Also Read: Funding To Save Test Cricket
கேகேஆர் இன்னிங்ஸின் 13ஆவது ஓவரை கமிந்து மெண்டிஸ் வீசிய நிலையில், அவர் வலது கை பேட்டரான அங்கிரிஷ் ரகுவன்ஷிக்கு இடது கையில் பந்துவீசிய அதே நேரத்த்தில், இடது கை பேட்டரான வெங்கடேஷ் ஐயருக்கு வலது கையில் பந்துவீனார். மேற்கொண்டு அவர் தனது பந்துவீச்சில் அரைசதம் கடந்திருந்த அங்கிரிஷ் ரகுவன்ஷியின் விக்கெட்டையும் வீழ்த்தி இருந்தார். இந்நிலையில் கமிந்து மெண்டிஸின் இந்த பந்துவீச்சு குறித்த காணொளியானது தற்போது வைரலாகி வருகிறது.
Win Big, Make Your Cricket Tales Now
