கேன் வில்லியம்சனுக்கு பதிலாக டாம் பிளெண்டல் அணியில் சேர்ப்பு?
நடப்பு உலகக்கோப்பை தொடரில் காயமடைந்துள்ள கேன் வில்லியம்சனுக்கு மற்றாக விக்கெட் கீப்பர் டாம் பிளெண்டல் நியூசிலாந்து அணியில் சேர்க்கப்படவுள்ளதாக தகவல் வெளியாகியுள்ளது.
இந்தியாவில் கோலாகலமாக நடைபெற்று வரும் ஐசிசி உலகக் கோப்பை 2023 கிரிக்கெட் தொடரில் நியூசிலாந்து தங்களின் முதல் 3 போட்டிகளிலும் வென்று ஹாட்ரிக் வெற்றிகளை பதிவு செய்து புள்ளி அசத்தி வருகிறது. முன்னதாக அந்த அணியின் கேப்டன் மற்றும் நட்சத்திர வீரர் கேன் வில்லியம்சன் கடந்த 2023 ஐபிஎல் தொடரின் முதல் போட்டியிலேயே கேட்ச் பிடிக்கும் போது காயத்தை சந்தித்து வெளியேறியதை மறக்க முடியாது.
இதனால் ஒருநாள் உலகக் கோப்பை போட்டியிலும் விளையாட முடியுமா என கேள்வி எழுந்தது. பின்னர் கடின உழைப்புக்குப் பிறகு நியூசிலாந்தின் 3வது போட்டியில் வங்கதேசத்துக்கு எதிரான போட்டியில் களமிறங்கினார். வில்லியம்சன் 78 ரன்கள் எடுத்திருந்த போது காயம் காரணமாக பாதியிலேயே வெளியேறினார்.
Trending
ரன் ஓடும்போது ஃபீல்டிங்கில் இருந்து பந்தினை வீசும்போது அது வில்லியம்சனின் இடது கையில் பட்டது. இருந்தும் சிறிது நேரம் அணிக்காக விளையாடினார். பின்னர் வெற்றிக்கு குறைவான ரன்களே தேவைப்பட்டபோது ரிடையர்ட் ஹர்ட் முறையில் வெளியேறினார். இந்நிலையில் இன்று ஸ்கேன் செய்யப்பட்டப் பிறகு காயம் உறுதியாகியுள்ளது.
அதில் அவருடைய ஒரு கை விரல் பெரிய காயத்தை சந்தித்துள்ளதால் அதிலிருந்து குணமடைய ஒரு மாதம் தேவைப்படும் என்று தெரியவந்துள்ளது. அதன் காரணமாக அடுத்ததாக நியூசிலாந்து களமிறங்கும் போட்டிகளில் கேன் வில்லியம்சன் விளையாட மாட்டார் என்று அந்நாட்டு வாரியம் அறிவித்துள்ளது. இருப்பினும் தொடர்ந்து நியூசிலாந்து அணியுடன் இணைந்து பயணிக்கும் அவர் விரைவில் குணமடைந்து நாக் அவுட் விளையாடுவார் என்று நம்புவதாக நியூசிலாந்து வாரியம் தெரிவித்துள்ளது.
இது குறித்து பேசிய நியூசிலாந்து அணியின் தலைமைப் பயிற்சியாளர் கேரி ஸ்டெட், “ஐபிஎல்-இல் முட்டியில் எற்பட்ட காயத்திலிருந்து கடினமாக உழைத்து இந்த நிலைமைக்கு வந்த கேன் வில்லியம்சனை நினைத்து வருத்தமாக இருக்கிறது. தற்போது ஸ்கேன் செய்ததில் இருந்து வருத்தமளிக்கும் செய்தியே கிடைத்துள்ளது. இடது கை கட்டை விரல் எலும்பு முறிதுள்ளது. ஆனால் எழும்புகள் உடைந்தும் நகரவில்லை. அதனால் சீக்கிரமே குணமாக வாய்ப்புள்ளது.
வில்லியம்சனுக்கு இன்னும் சிறிது காலம் ஓய்வு தேவைப்படுகிறது. உலகின் தலைசிறந்த கிளாசிக் வீரரான வில்லியம்சனுக்கு இந்த உலகக் கோப்பையில் திரும்பவும் விளையாட வாய்ப்பினை அளிக்கிறோம். கடைசிப் போட்டிகளில் விளையாட வாய்ப்பு இருக்கிறது. இன்னும் அணியில் இருந்து நீக்கவில்லை. இருந்தபோதிலும், விக்கெட் கீப்பர் பேட்ஸ்மேன் டாம் பிளண்டலை இந்தியாவுக்கு வரவழைத்துள்ளோம். அவரை இன்னும் அதிகாரபூர்வமாக நியூசிலாந்து அணியில் சேர்க்கவில்லை” என தெரிவித்துள்ளார்.
Win Big, Make Your Cricket Tales Now
Cricket Scorecard
