ஐசிசி தரவரிசை: விராட் கோலி சறுக்கல்!

சர்வதேச டெஸ்ட் கிரிக்கெட் பேட்டிங் தரவரிசைப் பட்டியலில் இந்திய அணி கேப்டன் விராட் கோலி 9 ஆவது இடத்திற்கு தள்ளப்பட்டுள்ளார்.

சர்வதேச கிரிக்கெட் கவுன்சில் (ஐசிசி) டெஸ்ட் கிரிக்கெட் வீரர்களின் புதிய தரவரிசை பட்டியலை வெளியிட்டுள்ளது. இந்தப் பட்டியலில் ஆஸ்திரேலியாவின் லபுசாக்னே முதலிடம் பிடித்து அசத்தியுளார். இங்கிலாந்தின் ஜோ ரூட் 2ஆம் இடத்தில் உள்ளார்.

இதில், ரோகித் சர்மா ஐந்தாம் இடத்தில் நீடிக்கிறார். கேப்டன் விராட் கோலி 2 இடங்கள் சரிந்து 9ஆவது இடத்துக்கு தள்ளப்பட்டார்.

தென் ஆப்பிரிக்காவுக்கு எதிரான முதலாவது டெஸ்டில் சதம் விளாசிய இந்திய வீரர் கேஎல் ராகுல் பேட்டிங் தரவரிசையில் 18 இடங்கள் முன்னேறி 31ஆவது இடத்தைப் பிடித்துள்ளார். 

பாகிஸ்தானின் பாபர் அசாம் 8ஆவது இடத்திலும், ஆஸ்திரேலியாவின் டிராவிஸ் ஹெட் 10ஆவது இடத்திலும் உள்ளனர்.

இதேபோல், பந்து வீச்சாளர்கள் வரிசையில் ரவிசந்திரன் அஸ்வின் 2ஆவது இடமும், பும்ரா 9ஆவது இடமும் பிடித்துள்ளனர். ஆல் ரவுண்டர் வரிசையில் அஸ்வின் 2ஆவது இடமும், ரவீந்திர ஜடேஜா 3ஆவது இடத்திலும் உள்ளனர்.

Win Big, Make Your Cricket Tales Now