BGT 2024: பயிற்சிக்கு திரும்பிய கேஎல் ராகுல்; ரசிகர்கள் மகிழ்ச்சி!
நேற்றைய தினம் காயம் காரணமாக பயிற்சியில் இருந்து பாதியிலேயே வெளியேறிய கேஎல் ராகுல் இன்று மீண்டும் பயிற்சிக்கு திரும்பியுள்ளது அவரது ரசிகர்கள் மத்தியில் மகிழ்ச்சியை ஏற்படுத்தியுள்ளத்.
இத்தொடருக்கான இந்திய அணியையும் பிசிசிஐ சமீபத்தில் அறிவித்திருந்தது. அதன்படி இந்திய அணியில் அறிமுக வீரர்கள், அபிமன்யூ ஈஸ்வரன், நிதீஷ் குமார் ரெட்டி, ஹர்ஷித் ரானா உள்ளிட்டோருக்கு வாய்ப்பு வழங்கப்பட்டுள்ளது. இவர்களுடன் பிரஷித் கிருஷ்ணாவுக்கும் இந்திய டெஸ்ட் அணியில் மீண்டும் சேர்க்கப்பட்டுள்ளனர். அதேசமயம் குல்தீப் யாதவ், அக்ஸர் படேல், முகமது ஷமி ஆகியோருக்கு இந்த அணியில் இடம் கிடைக்கவில்லை.
Trending
இந்நிலையில் ஆஸ்திரேலியா சென்றடைந்துள்ள இந்திய அணி வீரர்கள் தங்களது பயிற்சியை தொடங்கியுள்ளனர். அதன்படி இந்திய வீரர்களே இரு குழுக்களாக பிரிந்து தற்சமயம் பயிற்சியில் ஈடுபட்டு வருகின்றனர். இந்நிலையில் இந்த பயிற்சியின் போது இந்திய வீரர் கேஎல் ராகுல் காயமடைந்ததுடன், களத்தில் இருந்து பாதியிலேயே வெளியேறிய புகைப்படங்கள் இணையத்தில் வெளியாகி ரசிகர்களை அதிர்ச்சியில் ஆழ்த்தியது.
ஏனெனில் இந்திய அணி கேப்டன் ரோஹித் சர்மா முதல் டெஸ்ட் போட்டியில் இருந்து விலகுகிறார் என தகவல்கள் வெளியாகி வரும் நிலையில், அவரது இடத்தை நிரப்பும் வீரராக கேஎல் ராகுல் பார்க்கப்பட்டார். ஆனால் பயிற்சியின் போதே அவர் காயம் காரணமாக பாதியிலேயே வெளியேறியதால் முதல் டெஸ்ட் போட்டியில் ராகுல் விளையாடுவாரா என்ற சந்தேகமும் ரசிகர்கள் மத்தியில் அதிகரித்திருந்தது.
KL Rahul has returned to the nets and started batting practice at the WACA!#AUSvIND #India #TeamIndia #Cricket #Australia pic.twitter.com/oXMl2lX1a9
— CRICKETNMORE (@cricketnmore) November 17, 2024
இந்நிலையில் ரசிகர்களுக்கு மகிழ்ச்சியளிக்கும் வகையில் கேஎல் ராகுல் இன்றைய தினம் மீண்டும் பயிற்சிக்கு திரும்பியுள்ளார். மேலும் அவர் பயிற்சி செய்யும் புகைப்படங்களும் வெளியாகியுள்ளது. இதனால் ராகுல் நிச்சயம் முதல் போட்டிக்காக தேர்வில் நிச்சயம் இருப்பார் என்பது உறுதியாகியுள்ளது. இருப்பினும் ஷுப்மன் கில்லின் காயம் குறித்து இதுவரை எந்த தகவலும் வெளியாகவில்லை என்பது குறிப்பிடத்தக்கது.
Also Read: Funding To Save Test Cricket
இந்திய டெஸ்ட் அணி: ரோஹித் சர்மா (கே), ஜஸ்பிரித் பும்ரா, யஷஸ்வி ஜெய்ஸ்வால், அபிமன்யு ஈஸ்வரன், ஷுப்மான் கில், விராட் கோலி, கேஎல் ராகுல், ரிஷப் பந்த், சர்ஃப்ராஸ் கான், துருவ் ஜூரல், ரவிச்சந்திரன் அஸ்வின், ரவீந்திர ஜடேஜா, முகமது சிராஜ், ஆகாஷ் தீப், பிரசித் கிருஷ்ணா, ஹர்ஷித் ராணா, நிதிஷ் குமார் ரெட்டி, வாஷிங்டன் சுந்தர்.
Win Big, Make Your Cricket Tales Now
