ரஞ்சி கோப்பை 2025: தீவிர வலை பயிற்சியில் ஈடுபட்டுள்ள விராட் கோலி!

ரயில்வேஸ் அணிக்கு எதிரான ரஞ்சி கோப்பை கிரிக்கெட் போட்டியில் டெல்லி அணிக்காக விளையாடவுள்ள இந்திய வீரர் விராட் கோலி தீவிர வலை பயிற்சியில் ஈடுபட்டு வருகிறார்.

ரஞ்சி கோப்பை 2025: தீவிர வலை பயிற்சியில் ஈடுபட்டுள்ள விராட் கோலி! (Image Source: Google)

இந்திய அணி சமீபத்தில் ஆஸ்திரேலியாவில் சுற்றுப்பயணம் மேற்கொண்டு 5 போட்டிகள் கொண்ட பார்டர் கவாஸ்கர் கோப்பை டெஸ்ட் தொடரில் விளையாடியது. இதில் இந்திய அணியின் பேட்டிங் யூனிட் மொத்தமாக சொதப்பியதன் காரணமாக இந்த தொடரை 3-1 என்ற கணக்கில் இந்திய அணி இத்தொடரை இழந்துள்ளதுடன், உலக டெஸ்ட் சாம்பியன்ஷிப் தொடரின் இறுதிப்போட்டிக்கான வாய்ப்பையும் தவறவிட்டது.

ஆஸ்திரேலியாவில் பேட்ஸ்மேன்கள் மோசமாக விளையாடியதால், உள்ளூர் போட்டிகளில் இந்திய அணி வீரர்கள் விளையாடுவது கட்டாயமாக்கப்பட்டுள்ளது. ஏனெனில் பெரும்பாலான டெஸ்ட் போட்டிகளில் இந்திய அணி முதல் இன்னிங்ஸில் 150 ரன்கள் கூட எடுக்க முடியவில்லை. இதனால் அணியின் சீனியர், ஜூனியர் என்ற பாகுபாடின்றி அனைவரும் உள்ளூர் போட்டிகளில் விளையாட வேண்டும் என்று கட்டளை விதித்துள்ளது. 

இதன்காரணமாக நடைபெற்று வரும் ரஞ்சி கோப்பை கிரிக்கெட் தொடரில் இந்திய அணியின் நட்சத்திர வீரர்கள் ரோஹித் சர்மா, யஷஸ்வி ஜெய்ஸ்வால், ரிஷப் பந்த், ஷுப்மன் கில், ரவீந்திர ஜடேஜா உள்ளிட்டோர் பங்கேற்று விளையாடியனர். இதில் ஷுப்மன் கில் மற்றும் ரவீந்திர ஜடேஜா ஆகியோர் அபாரமாக விளையாடி தங்கள் ஃபார்மை நிரூபித்த நிலையில், ரோஹித் சர்மா, யஷஸ்வி ஜெஸ்வால் மற்றும் ரிஷப் பந்த் ஆகியோர் சோபிக்க தவறினர். 

இந்நிலையில் அடுத்த சுற்று ரஞ்சி கோப்பை போட்டிகள் ஜனவரிம் 30ஆம் தேதி முதல் நடைபெறவுள்ளது. இதில் ரயில்ஸ்வேஸ் அணிக்கு எதிராக விளையாடும் டெல்லி அணியில் இந்திய அணியின் மூத்த வீரர் விராட் கோலி விளையாடவுள்ளார். அதேசமயம் முந்தைய சுற்றுகளில் விளையாடிய ரோஹித் சர்மா, யஷஸ்வி ஜெய்ஸ்வால், ஷுப்மன் கில், ரிஷப் பந்த், ஸ்ரேயாஸ் ஐயர் உள்ளிட்டோரு இந்த சுற்றில் ஓய்வளிக்கப்பட்டுள்ளது. 

இதனையடுத்து ரயில்ஸ்வேஸுக்கு எதிரான போட்டியில் விளையாடும் டெல்லி அணி வீரர்கள் அருண் ஜெட்லி மைதானத்தில் தீவிர பயிற்சியில் ஈடுபட்டு வருகின்றனர். இதன் ஒருபகுதியாக விராட் கோலியும் டெல்லி அணி வீரர்களுடன் இணைந்து பயிற்சி மேற்கொண்டு வரும் புகைப்படங்கள் மற்றும் காணொளிகள் வெளியாக ரசிகர்கள் மத்தில் வைரலாகி வருகிறது. இதன்மூலம் விராட் கோலி 2012ஆம் ஆண்டிற்கு பிறகு ரஞ்சி கோப்பை போட்டியில் விளையாடவுள்ளார். 

 

Virat Kohli Starts Training With Delhi's Ranji Team pic.twitter.com/J8zApF8aNb

— CRICKETNMORE (@cricketnmore) January 28, 2025

விராட் கோலி கடைசியாக 2012 ஆம் ஆண்டு காஜியாபாத்தில் உத்தரபிரதேசத்திற்கு எதிராக ரஞ்சி கோப்பை போட்டியில் விளையாடினார். இதனையடுத்து சர்வதேச கிரிக்கெட்டில் அதிக்கம் செலுத்தி வந்த காரணத்தால் அவர் உள்ளூர் போட்டிகளை தவிர்த்து வந்தார். ஆனால் கடந்த 2021ஆம் ஆண்டுக்கு பிறகு டெஸ்ட் கிரிக்கெட்டில் அவரால் பெரிதளவி சோபிக்க முடியாத காரணத்தால் தற்போது மீண்டும் ரஞ்சி போட்டிகளில் விலையாடவுள்ளது குறிப்பிடத்தக்கது.

டெல்லி அணி: ஆயுஷ் பதோனி (கே), விராட் கோலி, பிரணவ் ராஜ்வன்ஷி, சனத் சங்வான், அர்பித் ராணா, மயங்க் குசைன், சிவம் சர்மா, சுமித் மாத்தூர், வான்ஷ் பேடி, மணி கிரேவால், ஹர்ஷ் தியாகி, சித்தாந்த் சர்மா, நவ்தீப் சைனி, யாஷ் துல், ககன் வாட்ஸ், ஜாண்டி சித்து, ஹிம்மத் சிங், வைபவ் காந்த்பால், ராகுல் கெஹ்லோட், ஜிதேஷ் சிங்.