ஐபிஎல் 2021: பிளே ஆஃப் கனவை நனவாக்கப்போவது யார்? பஞ்சாப் கிங்ஸ் vs கொல்கத்தா நைட் ரைடர்ஸ்!

ஐபிஎல் தொடரில் இன்று நடைபெறும் 45ஆவது லீக் ஆட்டத்தில் பஞ்சாப் கிங்ஸ் - கொல்கத்தா நைட் ரைடர்ஸ் அணிகள் பலப்பரீட்சை நடத்துகின்றன.

பிளே-ஆப் சுற்று வாய்ப்பில் நீடிக்க எஞ்சியுள்ள அனைத்து போட்டியிலும் கொல்கத்தா நைட் ரைடர்ஸ் - பஞ்சாப் கிங்ஸ் அணிகள் வெற்றிபெற வேண்டி இருப்பதால் இந்த ஆட்டம் விறுவிறுப்பாக இருக்கும் என்று எதிர்பார்க்கப்படுகிறது.

ஐபிஎல் தொடரின் 14ஆவது சீசனில் இன்று இரவு 7.30 மணிக்கு துபாயில் தொடங்கும் 45ஆவது லீக் ஆட்டத்தில் கொல்கத்தா நைட் ரைடர்ஸ் - பஞ்சாப் கிங்ஸ் அணிகள் மோதுகின்றன. 

நடப்பு சீசன் பிளே ஆஃப் வாய்ப்பை உறுதிசெய்ய வேண்டிய கட்டாயம் இருப்பதால் இந்த ஆட்டம் இரு அணிகளுக்கு முக்கியத்துவம் வாய்ந்தாக கருதப்படுகிறது.

அதன்படி கொல்கத்தா நைட் ரைடர்ஸ் நடப்பு சீசனில் 11 போட்டிகளில் விளையாடி, 5 வெற்றி, 6 தோல்வியுடன் 10 புள்ளிகள் பெற்று 4ஆவது இடத்திலும், பஞ்சாப் கிங்ஸ் அணி 11 போட்டிகளில் 4 வெற்றி, 7 தோல்வியுடன் 8 புள்ளிகள் பெற்று 6ஆவது இடத்திலும் உள்ளது.

பிளே-ஆப் சுற்று வாய்ப்பில் நீடிக்க எஞ்சியுள்ள அனைத்து போட்டியிலும் இரு அணிகளும் வெற்றிபெற வேண்டிய கட்டாயத்தில் உள்ளன.

உத்தேச அணி 

கொல்கத்தா நைட் ரைடர்ஸ்: சுப்மேன் கில், வெங்கடேஷ் ஐயர், ராகுல் திரிபாதி, ஈயான் மோர்கன் (கே), நிதிஷ் ராணா, தினேஷ் கார்த்திக், சுனில் நரைன், டிம் சவுதி, லோக்கி ஃபர்குசன், சந்தீப் வாரியர், வருண் சக்கரவர்த்தி.

பஞ்சாப் கிங்ஸ்: கேஎல் ராகுல் (கே), மயங்க் அகர்வால், ஐடன் மார்க்ரம், நிக்கோலஸ் பூரன், தீபக் ஹூடா, ஃபாபியன் ஆலன், ஹர்பிரீத் பிரார், நாதன் எல்லிஸ், முகமது ஷமி, ரவி பிஷ்னோய், அர்ஷ்தீப் சிங்.