பாகிஸ்தான் ஒருநாள் தொடரில் இருந்து டாம் லேதம் விலகல்!

பாகிஸ்தான் அணிக்கு எதிரான ஒருநாள் தொடரில் இருந்து நியூசிலாந்து கேப்டன் டாம் லேதம் காயம் காரணமாக தொடரில் இருந்து விலகுவதாக அறிவித்துள்ளார்.

பாகிஸ்தான் ஒருநாள் தொடரில் இருந்து டாம் லேதம் விலகல்! (Image Source: Google)

நியூசிலாந்தில் சுற்றுப்பயணம் மேற்கொண்டு வரும் பாகிஸ்தான் அணி தற்சமயம் 5 போட்டிகள் கொண்ட டி20 தொடர் மற்றும் மூன்று போட்டிகள் கொண்ட ஒருநாள் தொடரில் விளையாடி வருகிறது. இதில் நடந்து முடிந்த டி20 தொடரில் நியூசிலாந்து அணி 4-1 என்ற கணக்கில் கைப்பற்றி அசத்தியது.

இந்நிலையில் நியூசிலாந்து - பாகிஸ்தான் அணிகளுக்கு இடையேயான மூன்று போட்டிகள் கொண்ட ஒருநாள் தொடரானது மார்ச் 29ஆம் தேதி முதல் நடைபெறவுள்ளது. இத்தொடருக்கான பாகிஸ்தான் முன்னரே அறிவிக்கப்பட்டிருந்தது. இதில் முகமது ரிஸ்வான் தலைமையிலான இந்த அணியில் பாபர் ஆசாம், நசீம் ஷா உள்ளிட்டோருக்கும் இடம் கிடைத்துள்ளது. முன்னதாக இவர்கள் மூவரும் டி20 அணியில் இருந்து நீக்கப்பட்டிருந்தனர். 

அதேசமயம் பாகிஸ்தானுக்கு எதிரான ஒருநாள் தொடரில் பங்கேற்கும் நியூசிலாந்து அணியை அந்நாட்டு கிரிக்கெட் வாரியம் சமீபத்தில் அறிவித்தது. இந்த அணிக்கு கேப்டனாக டாம் லேதம் நியமிக்கப்பட்டார். மேற்கொண்டு இந்த அணியில் மைக்கேல் பிரேஸ்வெல், டேரில் மிட்செல், வில் யங், மார்க் சாப்மேன், வில்லியம் ஓ ரூர்க், ஜேக்கப் டஃபி ஆகியோருடன் அறிமுக வீரர்கள் நிக்கி கெல்லி மற்றும் முகமது அப்பாஸ் ஆகியோருக்கும் இந்த அணியில் வாய்ப்பு வழங்கப்பட்டுள்ளது. 

இந்நிலையில் இத்தொடரானது தொடங்க இரண்டு தினங்கள் மட்டுமே உள்ள நிலையில், நியூசிலாந்து அணி கேப்டன் டாம் லேதம் காயம் காரணமாக தொடரில் இருந்து விலகுவதாக அறிவித்துள்ளார். இதனையடுத்து தொடரில் இருந்து விலகிய டாம் லேதமிற்கு பதிலாக ஹென்றி நிக்கோலஸ் அணி நியூசிலாந்து அணியில் சேர்க்கப்பட்டுள்ளார். அதேசமயம் இந்த ஒருநாள் தொடருக்கான நியூசிலாந்து கேப்டனாகவும் மைக்கேல் பிரேஸ்வெல் நியமிக்கப்பட்டுள்ளார். 

Squad News | Tom Latham has been ruled out of the Chemist Warehouse ODI series with a fractured hand. Henry Nicholls & Rhys Mariu have been added to the squad, Michael Bracewell to captain. Full story | https://t.co/PmV1YinAis #NZvPAK #CricketNation pic.twitter.com/w6UNcNWO1U

— BLACKCAPS (@BLACKCAPS) March 27, 2025

நியூசிலாந்து ஒருநாள் அணி: ஹென்றி நிக்கோலஸ், முகமது அப்பாஸ், ஆதி அசோக், மைக்கேல் பிரேஸ்வெல்(கேப்டன்), மார்க் சாப்மேன், ஜேக்கப் டஃபி, மிட்ச் ஹே, நிக் கெல்லி, டேரில் மிட்செல், வில் ஓ'ரூர்க், பென் சியர்ஸ், நாதன் ஸ்மித், வில் யங்

பாகிஸ்தான் ஒருநாள் அணி: முகமது ரிஸ்வான் (கேப்டன்), சல்மான் அலி ஆகா, அப்துல்லா ஷஃபீக், அப்ரார் அகமது, அகிஃப் ஜாவேத், பாபர் ஆசாம், ஃபஹீம் அஷ்ரப், இமாம் உல் ஹக், குஷ்தில் ஷா, முகமது அலி, முகமது வாசிம் ஜூனியர், இர்பான் நியாசி, நசீம் ஷா, சுஃபியான் முகீம், தயப் தாஹிர்.