ஹாட்ரிக் விக்கெட்டுகளை வீழ்த்தி சாதனை படைத்த லோக்கி ஃபெர்குசன்!
இலங்கை அணிக்கு எதிரான டி20 போட்டியில் லோக்கி ஃபெர்குசன் ஹாட்ரிக் விக்கெட்டுகளை வீழ்த்தியதன் மூலம், நியூசிலாந்து அணிக்காக சர்வதேச டி20 கிரிக்கெட்டில் ஹாட்ரிக் விக்கெட்டுகளை வீழ்த்திய 5ஆவது வீரர் எனும் சாதனையை படைத்துள்ளார்.
அதன்படி களமிறங்கிய நியூசிலாந்து அணியில் வில் யங், ஜோஷ் கிளார்க்சன் ஆகியோரைத் தவிர்த்து மற்ற வீரர்கள் யாரும் ரன்களைச் சேர்க்க தவாறியதன் காரணமாக, அந்த அணி 19.3 ஓவர்களிலேயே அனைத்து விக்கெட்டுகளையும் இழந்து 108 ரன்களுக்கு ஆல் அவுட்டானது. அந்த அணியில் அதிகபட்சமாக வில் யங் 30 ரன்களையும், ஜோஷ் கிளார்க்சன் 24 ரன்களையும் ரன்களையும் எடுத்தனர். இலங்கை அணி தரப்பில் வநிந்து ஹசரங்கா 4 விக்கெட்டுகளை கைப்பற்றினார்.
Trending
இதனைத்தொடர்ந்து 109 ரன்கள் எடுத்தால் வெற்றி என்ற எளிய இலக்கை நோக்கி களமிறங்கிய இலங்கை அணியில் பதும் நிஷாங்காவைத் தவிர்த்து மற்ற வீரர்கள் அனைவரும் அடுத்தடுத்து நியூசிலாந்து அணியின் பந்துவீசுக்கு ஈடுகொடுக்க முடியாமல் அடுத்தடுத்து விக்கெட்டுகளை இழந்தனர். இருப்பினும் இறுதிவரை போராடிய நிஷங்கா தனது அரைசதத்தைப் பதிவுசெய்திருந்த நிலையில் 52 ரன்களுக்கு விக்கெட்டை இழக்க இலங்கை அணியின் தோல்வியும் உறுதியானது.
இதனால் இலங்கை அணி 19.5 ஓவர்களில் அனைத்து விக்கெட்டுகளையும் இழந்து 103 ரன்களுக்கு ஆல் அவுட்டானது. நியூசிலாந்து தரப்பில் லோக்கி ஃபெர்குசன், கிளென் பிலீப்ஸ் ஆகியோர் தலா 3 விக்கெட்டுகளை கைப்பற்றினர். இதன்மூலம் 5 ரன்கள் வித்தியாசத்தில் திரில் வெற்றி பெற்ற நியூசிலாந்து டி20 தொடரை 1-1 சமன் செய்தது. இப்போட்டியில் சிறப்பாக செயல்பட்ட லோக்கி ஃபெர்குசன் ஆட்டநாயகன் விருதையும், வநிந்து ஹசரங்கா தொடர் நாயகன் விருதையும் வென்றனர்.
இந்நிலையில் இப்போட்டியில் நியூசிலாந்து அணியின் வேகப்பந்து வீச்சாளர் லோக்கி ஃபெர்குசன் ஹாட்ரிக் விக்கெட்டுகளை கைப்பற்றி அசத்தினார். அதன்படி, இந்த போட்டியில் குசால் பெரேரா, கமிந்து மெண்டிஸ் மற்றும் சரித் அசலங்கா ஆகியோரது விக்கெட்டுகளை கைப்பற்றியதன் மூலம் ஹாட்ரிக் விக்கெட்டுகளை வீழ்த்தினார். இதன்மூலம் சர்வதேச டி20 கிரிக்கெட்டில் நியூசிலாந்து அணிக்காக ஹாட்ரிக் விக்கெட்டுகளை வீழ்த்திய 5ஆவது வீரர் எனும் சாதனையையும் ஃபெர்குசன் படைத்துள்ளார்.
Hat-trick!
— FanCode (@FanCode) November 10, 2024
Lockie Ferguson has just brought this game to life with a crazy couple of overs.#SLvNZonFanCode pic.twitter.com/8wcOpjpiLQ
இதற்கு முன் ஜேக்கப் ஓரம், டிம் சௌதீ, மைக்கேல் பிரேஸ்வெல், மேட் ஹென்றி ஆகியோர் நியூசிலாந்து அணிக்காக சர்வதேச டி20 கிரிக்கெட்டில் ஹாட்ரிக் விக்கெட்டுகளை கைப்பற்றியுள்ளனர். அதிலும் குறிப்பாக அந்த அணியின் அனுபவ வேகப்பந்து வீச்சாளர் டிம் சௌதீ 2010ஆம் ஆண்டு பாகிஸ்தானுக்கு எதிராகவும் மற்றும் 2022 ஆம் ஆண்டு இந்திய அணிக்கு எதிராகவும் என இரண்டு முறை ஹாட்ரிக் விக்கெட்டுகளை கைப்பற்றியுள்ளது குறிப்பிடத்தக்கது.
நியூசிலாந்து அணிக்காக ஹாட்ரிக் விக்கெட்டுகளை வீழ்த்திய வீரர்கள் (டி20)
- ஜேக்கப் ஓரம் vs இலங்கை, 2009
- டிம் சௌதீ vs பாகிஸ்தான், 2010
- மைக்கேல் பிரேஸ்வெல் vs அயர்லாந்து, 2022
- டிம் சௌதீ vs இந்தியா, 2022
- மாட் ஹென்றி vs பாகிஸ்தான், 2023
- லோக்கி ஃபெர்குசன் vs இலங்கை, 2024
Also Read: Funding To Save Test Cricket
Win Big, Make Your Cricket Tales Now
