ஜோர்டன் ஓவரில் மிரட்டிய மார்கஸ் ஸ்டொய்னிஸ்!

மும்பை அணிக்கெதிரான போட்டியில் லக்னோ அணி வீரர் மார்கஸ் ஸ்டொய்னிஸ் அதிரடியான ஆட்டத்தை வெளிப்படுத்தியதுடன், கிறிஸ் ஜோர்டனின் ஒரே ஓவரில் 24 ரன்களை விளாசி அசத்தினார்.

Marcus Stoinis against Chris Jordan: 6,0,4,4,6,4 - 24 runs from the 18th over! (Image Source: Google)

16ஆவது சீசன் ஐபிஎல் கிரிக்கெட் தொடரில் இன்று லக்னோவில் நடைபெற்று வரும் 63ஆவது லீக் போட்டியில் லக்னோ சூப்பர் ஜெயிண்ட்ஸ் மற்றும் மும்பை இந்தியன்ஸ் அணிகள் பலப்பரீட்சை நடத்தி வருகின்றன. பிளே ஆஃப் சுற்றுக்கு தகுதி பெற இந்த போட்டியில் நிச்சயம் வென்றாக வேண்டிய இரு அணிகளும் களமிறங்கிய நிலையில் டாஸ் வென்ற மும்பை முதலில் பந்து வீசுவதாக அறிவித்தது. 

அதன்படி களமிறங்கிய லக்னோ அணியில் தீபக் ஹூடா 5 ரன்னிலு, அடுத்து வந்த பிரேரக் மன்கட் அடுத்த பத்திலேயே கோல்டன் டக் அவுட்டாகி ஏமாற்றத்தை கொடுத்தார். போதாக்குறைக்கு மறுபுறம் தடுமாறிய குயிண்டன் டீ காக் 2 பவுண்டரியுடன் 16 ரன்களில் பியூஸ் சாவ்லா சுழலில் சிக்கியதால் 35/3 என ஆரம்பத்திலேயே லக்னோ தடுமாறியது. அந்த நிலைமையில் ஜோடி சேர்ந்த கேப்டன் குர்னால் பாண்டியா – மார்க்கஸ் ஸ்டோய்னிஸ் ஆகியோர் நிதானமாக செயல்பட்டு சரிவை சரி செய்ய போராடினர்.

அதில் ஒருபுறம் குர்னால் பாண்டியா நிதான பேட்டிங்கை வெளிப்படுத்திய நிலையில் மறுபுறம் சவாலான பிட்ச்சில் கூட தமக்கே உரித்தான பாணியில் அதிரடியாக செயல்பட்ட ஸ்டோய்னிஸ் மும்பை பவுலர்களை மிகச் சிறப்பாக எதிர்கொண்டு விரைவாக ரன்களை சேர்த்து லக்னோவை சரிவிலிருந்து காப்பாற்றினார். இருப்பினும் 42 பந்துகளை எதிர்கொண்டும் 1 பவுண்டரி 1 சிக்சருடன் 49 ரன்கள் எடுத்த பாண்டியா கடைசி நேரத்தில் லேசான காயத்தை சந்தித்து மேற்கொண்டு விளையாடாமல் பாதியிலேயே வெளியேறினார்.

அதன் வாயிலாக ஐபிஎல் வரலாற்றில் ரிட்டயர்ட் ஹர்ட்டாகி செல்லும் போது அதிகபட்ச ஸ்கோரை பதிவு செய்த வீரர் என்ற சச்சின் டெண்டுல்கரின் வித்தியாசமான சாதனையை தகர்த்த அவர் புதிய சாதனையைப் படைத்தார். ஆனாலும் மறுபுறம் தொடர்ந்து நேரம் செல்ல செல்ல மேலும் நங்கூரமாக நின்று அதிரடி காட்டிய ஸ்டோனிஸ் சிக்ஸருடன் அரை சதமடித்து அசத்தினார்.

இருப்பினும் அடுத்து களமிறங்கிய நிக்கோலஸ் பூரான் அதிரடியாக விளையாட முடியாத அளவுக்கு 8 ரன்களை மட்டுமே எடுத்து தடுமாறினார். ஆனால் மறுபுறம் வேறு ஏதோ வித்தியாசமான பேட்டிங்க்கு சாதகமான பிட்ச்சில் விளையாடுவது போல் அட்டகாசமாக செயல்பட்ட ஸ்டோய்னிஸ் இங்கிலாந்து வீரர் கிறிஸ் ஜோர்டான் வீசிய 18ஆவது ஓவரில் 6, 0, 4, 4, 6, 4 என 24 ரன்களை தெறிக்க விட்டு கடைசி 2 ஓவர்களிலும் அட்டகாசமான பேட்டிங்கை வெளிப்படுத்தி கடைசி பத்திலும் சிக்சரை பறக்க விட்டு 4 பவுண்டரி 8 சிக்சருடன் 89 ரன்கள் குவித்து சூப்பர் ஃபினிஷிங் கொடுத்தார். 

 

Stoinis stepping up when #EveryGameMatters!

Can @MStoinis carry on to lead his team to a formidable total?#TATAIPL #IPLonJioCinema #IPL2023 | @LucknowIPL pic.twitter.com/d1q6aBWHSJ

— JioCinema (@JioCinema) May 16, 2023

இதன்மூலம் நிர்ணயிக்கப்பட்ட 20 ஓவர்களில் லக்னோ 177/3 இடங்கள் எடுக்க மும்பை சார்பில் அதிகபட்சமாக ஜேசன் பெரன்ஃடாப் 2 விக்கெட்டுகளை சாய்த்தார். இந்த போட்டியில் சவாலான பிட்ச்சில் கூட அபாரமாக பேட்டிங் செய்து லக்னோவுக்கு பெரிய ஸ்கோரை எடுத்த உதவிய ஸ்டோனிஸ் பலரது பாராட்டுகளை பெற்று வருகிறார். அத்துடன் லக்னோ மைதானத்தில் இதற்கு முன் 160 ரன்களுக்கு மேல் எந்த அணியும் வெற்றிகரமாக சேசிங் செய்வதில்லை. அந்த வகையில் பந்து வீச்சிலும் சிறப்பாக செயல்பட்டு மும்பையை தோற்கடிக்கும் முனைப்புடன் லக்னோ செயல்படுகிறது.

Win Big, Make Your Cricket Tales Now