வங்கதேச கிரிக்கெட் வரலாற்றில் தனித்துவ சாதனை பட்டியலில் இணைந்த மெஹிதி ஹசன் மிரஸ்!
டெஸ்ட் போட்டியில் சதம் மற்றும் 5 விக்கெட்டுகளை கைப்பற்றிய மூன்றாவது வங்கதேச வீரர் எனும் பெருமையை மெஹிதி ஹசன் மிராஸ் பெற்றுள்ளார்.
வங்கதேச கிரிக்கெட் வரலாற்றில் தனித்துவ சாதனை பட்டியலில் இணைந்த மெஹிதி ஹசன் மிரஸ்! (Image Source: Google)
பின்னர் இரண்டாவது இன்னிங்ஸைத் தொடங்கிய ஜிம்பாப்வே அணியானது 111 ரன்களை மட்டுமே சேர்த்து ஆல் அவுட்டானது. இதன்மூலம் வங்கதேச அணி இன்னிங்ஸ் மற்றும் 106 ரன்கள் வித்தியாசத்தில் ஜிம்பாப்வேவை வீழ்த்தியதுடன் டெஸ்ட் தொடரையும் 1-1 என்ற கணக்கில் சமன்செய்து அசத்தியுள்ளது. இந்நிலையில் இப்போட்டியில் பேட்டிங் மற்றும் பந்துவீச்சில் அசத்திய மெஹிதி ஹசன் மிராஸ் ஆட்டநாயகன் மற்றும் தொடர் நாயகன் விருதை வென்றார்.
இந்நிலையில் இப்போட்டியில் மெஹிதி ஹசன் மிராஸ் சதமடித்து அசத்தியதுடன், 5 விக்கெட்டுகளை கைப்பற்றியதன் மூலம் தனித்துவ சாதனை பட்டியலிலும் இடம்பிடித்துள்ளார். அதன்படி டெஸ்ட் போட்டியில் சதம் மற்றும் 5 விக்கெட்டுகளை கைப்பற்றிய 3ஆவது வங்கதேச வீரர் மற்றும் உலகளளில் இந்த சாதனையை எட்டும் 39ஆவது வீரர் எனும் பெருமையை வங்கதேச அணியின் துணைக்கேப்டன் மெஹிதி ஹசன் மிராஸ் பெற்றுள்ளார்.
இதற்கு முன் வங்கதேச அணியின் முன்னாள் வீரர் ஷாகிப் அல் ஹசன் கடந்த 2011ஆம் ஆண்டு பாகிஸ்தானுக்கு எதிராகவும், 2014ஆம் ஆண்டு ஜிம்பாப்வேவுக்கு எதிராகவும், சோஹாக் காசி 2013ஆம் ஆண்டு நியூசிலாந்து அணிக்கு எதிராகவும் சதம் மற்றும் 5 விக்கெட்டுகளை வீழ்த்தி சாதனை படைத்துள்ள நிலையில், அவர்களது வரிசையில் தற்போது மெஹிதி ஹசன் மிராஸும் இணைந்துள்ளார் என்பது குறிப்பிடத்தக்கது.
Also Read: LIVE Cricket Scoreமெஹிதி ஹசன் மிராஸ் குறித்து பேசினால் கடந்த 2016ஆம் ஆண்டு வங்கதேச டெஸ்ட் அணிக்காக அறிமுகமானார். இதுவரை அவர் 53 டெஸ்ட் போட்டிகளில் விளையாடி 96 இன்னிங்ஸ்களில் 2 சதம் மற்றும் 9 அரைசதங்களுடன் 2068 ரன்களையும், 13 ஐந்து விக்கெட் ஹாலுடன் 205 விக்கெட்டுகளையும் வீழ்த்தி வங்கதேச அணியின் முக்கிய ஆல் ரவுண்டராக திகழ்கிறார். இதனால் இனி வரும் போட்டிகளிலும் அவர் சிறப்பாக செயல்படுவார் என்று எதிர்பார்க்கப்படுகிறது.
Advertisement
Win Big, Make Your Cricket Tales Now
கிரிக்கெட்: Tamil Cricket News
