வங்கதேச அணி தற்சமயம் வெஸ்ட் இண்டீஸில் சுற்றுப்பயணம் மேற்கொண்டு 2 போட்டிகள் கொண்ட டெஸ்ட் தொடரிலும், 3 போட்டிகள் கொண்ட ஒருநாள் மற்றும் டி20 தொடரிலும் விளையாடி வருகிறது. இதில் இரு அணிகளுக்கும் இடையேயான முதல் டெஸ்ட் போட்டி முடிவடைந்துள்ள நிலையில், இரண்டாவது டெஸ்ட் போட்டி ஜமைக்காவில் நடைபெற்று வருகிறது.
இதனையடுத்து வெஸ்ட் இண்டீஸ் - வங்கதேச அணிகளுக்கு இடையேயான மூன்று போட்டிகள் கொண்ட ஒருநாள் தொடரானது டிசம்பர் 8ஆம் தேதி தொடங்கவுள்ளது. இந்நிலையில் இத்தொடருக்கான வங்கதேச அணியை அந்நாட்டு கிரிக்கெட் வாரியம் இன்று அறிவித்துள்ளது. அதன்படி இந்த ஒருநாள் தொடருக்கான வங்கதேச அணியில் காயம் காரணமாக கேப்டன் நஹ்முல் ஹொசைன் சாண்டோவுக்கு இடம்பிடிக்கவில்லை.
மேற்கொண்டு அணியின் நட்சத்திர வீரர் தாவ்ஹித் ஹிரிடோயும் காயம் காரணமாக இந்த ஒருநாள் தொடரில் இருந்து விலக்கப்பட்டுள்ளார். இதன் காரணமாக வெஸ்ட் இண்டீஸ் ஒருநாள் தொடருக்கான வங்கதேச அணியின் கேப்டனாக மெஹிதி ஹசன் மிராஸ் நியமிக்கப்பட்டுள்ளார். முன்னதாக நடைபெற்று வரும் வெஸ்ட் இண்டீஸ் அணிக்கு எதிரான இரண்டாவது டெஸ்ட் போட்டியிலும் வங்கதேச அணியை கேப்டனாக மெஹிதி ஹசன் மிராஸ் வழிநடத்தி வருகிறார்.
Bangladesh Squad for the 3-match ODI Series Against West Indies. All matches are set to take place in St. Kitts. The series kicks off with the first ODI on December 8.#BCB #Cricket #Bangladesh #WIvBAN pic.twitter.com/O4y5zyHRLG
— Bangladesh Cricket (@BCBtigers) December 2, 2024
