மிட்செல் ஜான்சனை பின்னுக்குத் தள்ளிய மிட்செல் ஸ்டார்க்!
சர்வதேச ஒருநாள் கிரிக்கெட்டில் ஆஸ்திரேலிய அணிக்காக அதிக விக்கெட்டுகளை கைப்பற்றிய நான்காவது வீரர் எனும் பேருமையை மிட்செல் ஸ்டார்க் பெற்றுள்ளார்.
இங்கிலாந்து - ஆஸ்திரேலிய அணிகளுக்கு இடையேயான மூன்றாவது ஒருநாள் போட்டியானது செஸ்டர் லீ ஸ்ட்ரீட்டில் நேற்று நடைபெற்றது. இப்போட்டியில் டாஸை இழந்து முதலில் பேட்டிங் செய்த ஆஸ்திரேலிய அணியானது தொடக்கத்தில் விக்கெட்டுகளை இழந்து தடுமாறினாலும், ஸ்டீவ் ஸ்மித் மற்றும் அலெக்ஸ் கேரி ஆகியோரது பொறுப்பான ஆட்டத்தின் மூலமாக சரிலிருந்து மீண்டெழுந்தது.
இதன்மூலம் ஆஸ்திரேலிய அணி 50 ஓவர்கள் முடிவில் 7 விக்கெட் இழப்பிற்கு 304 ரன்களைச் சேர்த்தது. இதில் அதிகபட்சமாக இறுதிவரை ஆட்டமிழக்காமல் இருந்த அலெக்ஸ் கேரி 77 ரன்களையும், ஸ்டீவ் ஸ்மித் 60 ரன்களையும், ஆரோன் ஹார்டி 44 ரன்களையும் சேர்த்தனர். இங்கிலாந்து அணி தரப்பில் ஜோஃப்ரா ஆர்ச்சர் 2 விக்கெட்களை வீழ்த்தினார். இதையடுத்து, 305 ரன்கள் எடுத்தால் வெற்றி என்ற இமாலய இலக்கை நோக்கி இங்கிலாந்து பேட்டிங் செய்தது.
Trending
தொடக்க ஆட்டக்காரர் பிலிப்ஸ் சால்ட் டக் அவுட்டானார். பென் டக்கெட் 8 ரன்னில் வெளியேறினார். அதன்பின் ஜோடி சேர்ந்த் வில் ஜாக்ஸ், கேப்டன் ஹாரி புரூக் இணை அதிரடியாக விளையாடியதுடன் மூன்றாவது விக்கெட்டிற்கு156 ரன்கள் பார்ட்னர்ஷிப் முறையில் சேர்த்தனர். இதில் வில் ஜாக்ஸ் 84 ரன்னில் விக்கெட்டை இழந்த நிலையில், சதமடித்து அசத்தியதுடன் இறுதிவரை ஆட்டமிழக்காம இருந்த ஹாரி புரூக் 110 ரன்களையும், லியாம் லிவிங்ஸ்டோன் 33 ரன்களையும் சேர்த்தனர்.
பின்னர் இங்கிலாந்து அணி 37.4 ஓவரில் 4 விக்கெட் இழப்புக்கு 254 ரன்கள் எடுத்திருந்தபோது மழை குறுக்கிட்டது. தொடர்ந்து மழை நீடித்த காரணத்தால் டக்வொர்த் லூயிஸ் முறைப்படி இங்கிலாந்து அணியானது 46 ரன்கள் வித்தியாசத்தில் ஆஸ்திரேலிய அணியை வீழ்த்தி வெற்றி பெற்றதாக அறிவிக்கப்பட்டது. இந்த வெற்றியின் மூலம் ஒருநாள் தொடரில் இங்கிலாந்து 1-2 என்ற கணக்கில் தொடரில் நீடித்து வருகிறது.
இந்நிலையில் இப்போட்டியில் ஆஸ்திரேலிய அணிக்காக விளையாடிய வேகப்பந்து வீச்சாளர் மிட்செல் ஸ்டார்க் 2 விக்கெட்டுகளை கைப்பற்றியதன் மூலம் புதிய மைல் கல் ஒன்றை எட்டியுள்ளார். சர்வதேச ஒருநாள் கிரிக்கெட்டில் ஆஸ்திரேலிய அணிக்காக அதிக விக்கெட்டுகளை வீழ்த்திய வீரர்கள் வரிசையில் மூன்றாம் இடத்தைப் பிடித்து அசத்தியுள்ளார். இந்த பட்டியலில் முன்னாள் வீரர் மிட்செல் ஜான்சன் மற்றும் மிட்செல் ஸ்டார்க் இருவரும் தலா 239 விக்கெட்டுகளை வீழ்த்தி மூன்றாம் இடத்தை பகிர்ந்தனர்.
Also Read: Funding To Save Test Cricket
இந்நிலையில் மிட்செல் ஸ்டார்க் 241 விக்கெட்டுகளை கைப்பற்றி மூன்றாம் இடத்தை பிடித்துள்ளார். அதேசமயம் இந்த பட்டியலின் முதலிடத்தில் கிளென் மெக்ராத் மற்றும் பிரெட் லீ ஆகியோர் தலா 380 விக்கெட்டுகளை கைப்பற்றி முதலிடத்தை பகிர்ந்துள்ளனர். அவர்களுக்கு அடுத்த இடத்தில் மறைந்த ஜாம்பவன் ஷேன் வார்னே 291 விக்கெட்டுகளுடன் இரண்டாம் இடத்தில் உள்ளது குறிப்பிடத்தக்கது.
Win Big, Make Your Cricket Tales Now
