எம்எல்சி 2023: நைட்ரைடர்ஸை வீழ்த்தி வாஷிங்டன் ஃப்ரீடம் அணி வெற்றி!
லாஸ் ஏஞ்சலஸ் நைட் ரைடர்ஸுக்கு எதிரான எம்எல்சி லீக் ஆட்டத்தில் வாஷிங்டன் ஃப்ரீடம் அணி 6 விக்கெட் வித்தியாசத்தில் வெற்றிபெற்று அசத்தியது.
அதன்படி களமிறங்கிய நைட் ரைடர்ஸ் அணியில் ஜேசன் ராய் 7, உன்முகுந்த் சந்த் 18, குமார் 9, ஜஸ்கரன் மல்ஹோத்ரா 12 என அடுத்தடுத்து விக்கெட்டுகளை இழந்தனர். பின்னர் இணைந்த ரைலீ ரூஸோவ் - ஆண்ட்ரே ரஸல் இணை அதிரடியான ஆட்டத்தை வெளிப்படுத்தி அணியின் ஸ்கோரை மளமளவென உயர்த்தினர்.
Trending
இதில் ரூஸோவ் 41 ரன்களுக்கு ஆட்டமிழக்க, மறுமுனையில் அரைசதம் கடந்து இறுதிவரை ஆட்டமிழக்காமல் இருந்த ஆண்ட்ரே ரஸல் 6 பவுண்டரி, 6 சிக்சர்கள் என 71 ரன்களைச் சேர்த்தார். இதன்மூலம் 20 ஓவர்கள் முடிவில் நைட் ரைடர்ஸ் அணி 7 விக்கெட் இழப்பிற்கு 175 ரன்களைச் சேர்த்தது.
இதையடுத்து இலக்கை நோக்கி களமிறங்கிய வாஷிங்டன் அணிக்கு மேத்யூ ஷார்ட் - ஆண்ட்ரிஸ் கஸ் இணை அதிரடியான தொடக்கத்தைக் கொடுத்து அடித்தளம் அமைத்தனர். இதில் கஸ் 40 ரன்களுக்கும், ஷார்ட் 43 ரன்காளுக்கும் ஆட்டமிழக்க, அடுத்து வந்த முக்தார் அஹ்மத், கிளென் பிலீப்ஸ் இணை சொற்ப ரன்களுக்கு விக்கெட்டை இழந்து நடையைக் கட்டினர்.
அதன்பின் வந்த கேப்டன் ஹென்ரிக்ஸ் - பியோனர் இணை இறுதிவரை களத்தில் இருந்து அணிக்கு வெற்றியைத் தேடிக்கொடுத்தனர். இதன்மூலம் வாஷிங்டன் ஃப்ரீடம் அணி 18.1 ஓவர்களில் இலக்கை எட்டியதுடன், 6 விக்கெட் வித்தியாசத்தில் லாஸ் ஏஞ்சலஸ் நைட் ரைடர்ஸ் அணியை வீழ்த்தி வெற்றிபெற்றது.
Win Big, Make Your Cricket Tales Now
