தனது ஆல் டைம் ஐபிஎல் லெவனை தேர்வு செய்த மொயீன் அலி!
கொல்கத்தா நைட் ரைடர்ஸ் அணி வீரர் மொயீன் அலி தனது ஆல் டைம் ஐபிஎல் லெவனை தேர்வுசெய்து அறிவித்துள்ளார்.
இந்நிலையில் இத்தொடரில் இன்று நடைபெற இருக்கும் 12ஆவது லீக் போட்டியில் ஹர்திக் பாண்டியா தலைமையிலான மும்பை இந்தியன்ஸ் அணியை எதிர்த்து அஜிங்கியா ரஹானே தலைமையிலான கொல்கத்தா நைட் ரைடர்ஸ் அணி பலப்பரீட்சை நடத்தவுள்ளது. இவ்விரு அணிகளுக்கும் இடையேயான இப்போட்டி மும்பையில் உள்ள வான்கடே கிரிக்கெட் மைதானத்தில் நடைபெறவுள்ளது. இதற்காக இரு அணி வீரர்களும் தீவிரமாக தயாராகி வருகின்றனர்.
Trending
இந்நிலையில் இப்போட்டிக்கு முன்னதாக கொல்கத்தா நைட் ரைடர்ஸ் அணி வீரர் மொயீன் அலி தனது ஆல் டைம் ஐபிஎல் லெவனை தேர்வுசெய்து அறிவித்துள்ளார். அவர் தேர்வு செய்துள்ள இந்த அணியில் ஒரே ஒரு கேகேஆர் வீரருக்கு மட்டுமே இடம்கொடுத்துள்ளார் என்பது குறிப்பிடத்தக்கது. அவர் தேர்வு செய்துள்ள இந்த அணியில் தொடக்க வீரர்களாக கிறிஸ் கெயில் மற்றும் விராட் கோலியை தேர்ந்தெடுத்துள்ளார்.
அவர்களைத் தொடர்ந்து மூன்றாம் இடத்தில் கீரன் பொல்லார்டையும், நான்காம் இடத்தில் மகேந்திர சிங் தோனியையும் தேர்வு செய்துள்ளார். மேற்கொண்டு இந்த அணியின் விக்கெட் கீப்பர் மற்றும் கேப்டனாகவும் மகேந்திர சிங் தோனியை அவர் நியமித்துள்ளார். அதன்பின் ஆல் ரவுண்டர்களான ஹர்திக் பாண்டியா, ஆண்ட்ரே ரஸல் மற்றும் டுவைன் பிராவோவிற்கு அவர் இந்த அணியில் வாய்ப்பு வழங்கியுள்ளார்.
மேற்கொண்டு அணியின் சுழற்பந்து வீச்சாளர்களாக ரஷித் கான் மற்றும் ரவீந்திர ஜடேஜாவை தேர்ந்தெடுத்துள்ள அவர், வேகப்பந்து வீச்சாளர்களாக ஜஸ்பிரித் பும்ரா மற்றும் காகிசோ ரபாடா ஆகியோரையும் தேர்ந்தெடுத்துள்ளார். ஆனால் அவர் தேர்ந்தெடுத்திருக்கும் இந்த அணியில் நட்சத்திர வீரர்களான ரோஹித் சர்மா, சுரேஷ் ரெய்னா, ஆபிடி வில்லியர்ஸ், டேவிட் வார்னர் உள்ளிட்டோரின் பெயர்கள் இடம்பெறவில்லை என்பது ரசிகர்களை ஆச்சரியாப்படுத்தியுள்ளது.
Also Read: Funding To Save Test Cricket
மொயீன் அலி தேர்வு செய்த ஆல் டைம் ஐபிஎல் லெவன்: கிறிஸ் கெய்ல், விராட் கோலி, கீரோன் பொல்லார்ட், மகேந்திர சிங் தோனி (கேப்டன் மற்றும் விக்கெட் கீப்பர்), ஹார்டிக் பாண்ட்யா, ஆண்ட்ரே ரஸ்ஸல், டுவைன் பிராவோ, ரஷீத் கான், ரவீந்திர ஜடேஜா, ஜஸ்பிரித் பும்ரா, காகிசோ ரபாடா.
Win Big, Make Your Cricket Tales Now
