பாகிஸ்தான் அணியின் பந்துவீச்சு பயிற்சியாளர் பதவியிலிருந்து விலகிய மோர்னே மோர்கல்!
உலகக்கோப்பை கிரிக்கெட் தொடரில் பாகிஸ்தான் அணி அரையிறுதி சுற்றுக்கு கூட முன்னேறாத சூழலில், அந்த அணியி பந்துவீச்சு பயிற்சியாளர் மோர்னே மோர்கல் பதவி விலகியுள்ளார்.
அதுமட்டுமல்லாமல் அந்த அணியின் பந்துவீச்சாளர்களின் மோசமான செயல்பாடே தோல்விக்கு காரணமாக அமைந்துள்ளது. ஷாகின் அஃப்ரிடி மற்றும் முகமது வாசிம் ஜூனியர் உள்ளிட்டோரை கடந்து ஹாரிஸ் ராவுஃப் மற்றும் ஹசன் அலி உள்ளிட்டோரின் பந்துவீச்சு மோசமாக அமைந்தது. அதிலும் ஹாரிஸ் ராவுஃப் ஒவ்வொரு போட்டியிலும் குறைந்தபட்சம் 80 ரன்களை விட்டுக் கொடுத்தது இந்திய ரசிகர்களுக்கே அதிர்ச்சியை கொடுத்தது.
Trending
இந்திய ஆடுகளங்களில் எந்த லைன் மற்றும் லெந்தில் வீச வேண்டும் என்பதை பாகிஸ்தான் அணி பந்துவீச்சாளர்கள் கடைசி வரை புரிந்துகொள்ளவில்லை. இதனால் பாகிஸ்தான் அணி வேகப்பந்துவீச்சாளர்கள் மொத்தமாக 50 விக்கெட்டுகளை தான் வீழ்த்தினார்கள். அதேபோல் பாகிஸ்தான் அணியில் ஸ்பின்னர்கள் கடைசி வரை விக்கெட் வீழ்த்த முடியாமல் திணறினர். இதன் காரணமாக துணை கேப்டனான ஷதாப் கானையே சில போட்டிகளில் வெளியில் அமர வைக்க வேண்டிய நிலைக்கு பாகிஸ்தான் அணி தள்ளப்பட்டது.
இதனிடையே பாகிஸ்தான் அணியின் தேர்வு குழு தலைவர் இன்ஸமாம் உல் ஹக் பதவி விலகினார். இதனால் பாகிஸ்தான் அணி நிர்வாகிகள் அடுத்தடுத்து பதிவியில் இருந்து ராஜினாமா செய்யக்கூடும் என்று பார்க்கப்படுகிறது. அதுமட்டுமல்லாமல் பாகிஸ்தான் அணியின் கேப்டன் பாபர் அசாமும் கேப்டன்சியில் இருந்து விலகப் போவதாக தகவல் வெளியாகியது.
இந்த நிலையில் பாகிஸ்தான் அணி பந்துவீச்சு பயிற்சியாளர் மோர்னே மோர்கல் பதவியை ராஜினாமா செய்துள்ளார். கடந்த ஜூன் மாதம் பாகிஸ்தான் அணியின் பந்துவீச்சு பயிற்சியாளராக 6 மாத ஒப்பந்தத்துடன் மோர்னே மோர்கல் பதவியேற்று கொண்டார். அதன்பின் இலங்கை அணிக்கு எதிரான டெஸ்ட் தொடர், ஆஃப்கானிஸ்தான் அணிக்கு எதிரான ஒருநாள் கிரிக்கெட் தொடர், ஆசியக் கோப்பை மற்றும் உலகக்கோப்பை ஆகியவற்றுக்கு பயிற்சியாளராக செயல்பட்டுள்ளார் என்பது குறிப்பிடத்தக்கது.
Win Big, Make Your Cricket Tales Now
