டி20 கிரிக்கெட்டில் புதிய மைல் கல்லை எட்ட காத்திருக்கும் எம் எஸ் தோனி!
சன்ரைசர்ஸ் ஹைதராபாத் அணிக்கு எதிரான ஐபிஎல் லீக் போட்டியின் மூலம் சிஎஸ்கே அணி கேப்டன் எம் எஸ் தோனி சிறப்பு சாதனை படைக்கும் வாய்ப்பை பெற்றுள்ளார்.
இவ்விரு அணிகளுக்கும் இடையேயான இப்போட்டியானது சென்னையில் உள்ள எம் ஏ சிதம்பரம் கிரிக்கெட் மைதானத்தில் நடைபெறவுள்ளது. நடப்பு ஐபிஎல் தொடரில் இவ்விரு அணிகளும் விளையாடிய 8 போட்டிகளில் 2 வெற்றி 6 தோல்விகளுடன் புள்ளிப்பட்டியலின் கடைசி இடங்களில் உள்ளன. இதனால் இப்போட்டியில் எந்த அணி வெற்றிபெறும் என்ற எதிர்பார்ப்புகள் அதிகரித்துள்ளன. இப்போட்டிக்காக இரு அணி வீரர்களும் தீவிரமாக தயாராகி வருகின்றனர்.
Also Read
இந்நிலையில் சென்னை சூப்பர் கிங்ஸ் அணியின் கேப்டனும், நட்சத்திர பேட்ஸ்மேனுமான எம்எஸ் தோனி, சன்ரைசர்ஸ் ஹைதராபாத் அணிக்கு எதிரான போட்டியின் மூலம் ஒரு சிறப்பு சாதனையை படைக்கும் வாய்ப்பை பெற்றுள்ளார். அதன்படி இந்தப் போட்டியில் தோனி நான்கு சிக்ஸர்கள் அடித்தால், டி20 கிரிக்கெட்டில் தன்னுடைய 350ஆவது சிக்ஸர்களை பூர்த்தி செய்வார். இதன்மூலம் இந்த என்னிக்கையை எட்டும் 4ஆவது இந்திய வீர்ர் எனும் பெருமையைப் பெறுவார்.
இதற்கு முன் இந்தியாவின் ரோஹித் சர்மா, விராட் கோலி மற்றும் சூர்யகுமார் யாதவ் மட்டுமே இந்த சாதனையை படைத்துள்ளது குறிப்பிடத்தக்கது. எம் எஸ் தோனி இதுவரை விளையாடிய 399 டி20 போட்டிகளில் 350 இன்னிங்ஸ்களில் 346 சிக்ஸர்களை அடித்துள்ளார். இதுதவிர்த்து இது தோனியின் 400ஆவது டி20 போட்டியாகும். இதன்மூலம் ரோஹித் சர்மா, தினேஷ் கார்த்தி, விரட் கோலி ஆகியோருக்கு பிறகு இந்த மைல் கல்லை எட்டும் 4ஆவது இந்திய வீரர் எனும் பெருமையையும் பெறவுள்ளார்.
சென்னை சூப்பர் கிங்ஸ் உத்தேச லெவன்: ஷேக் ரஷித், ரச்சின் ரவீந்திரா, ஆயுஷ் மத்ரே, ரவீந்திர ஜடேஜா, ஷிவம் துபே, மகேந்திர சிங் தோனி (கேப்டன்), விஜய் சங்கர், ரவிச்சந்திரன் அஷ்வின், ஜேமி ஓவர்டன், நூர் அகமது, கலீல் அகமது.
Also Read: LIVE Cricket Score
சன்ரைசர்ஸ் ஹைதராபாத் உத்தேச லெவன்: டிராவிஸ் ஹெட், அபிஷேக் சர்மா, இஷான் கிஷன், நிதிஷ் குமார் ரெட்டி, ஹென்ரிச் கிளாசென், அனிகேத் வர்மா, பாட் கம்மின்ஸ் (கேப்டன்), ஹர்ஷல் படேல், ஜெய்தேவ் உனட்கட், ஜீஷன் அன்சாரி, இஷான் மலிங்கா.
Win Big, Make Your Cricket Tales Now
