வங்கதேச டி20 அணியின் கேப்டன் பதவியில் இருந்து விலகினார் நஜ்முல் ஹொசைன் சாண்டோ!
வங்கதேச டி20 அணியின் கேப்டன் பொறுப்பில் இருந்தும் விலகுவதாக நஹ்முல் ஹொசைன் சாண்டோ அறிவித்துள்ளார்.
வங்கதேச அணி சமீபத்தில் வெஸ்ட் இண்டீஸில் சுற்றுப்பயணம் செய்து மூன்று வடிவிலான கிரிக்கெட் தொடரிலும் விளையாடியது. இதில் டெஸ்ட் தொடரை இரு அணிகளும் சமன்செய்திருந்த நிலையில், ஒருநாள் தொடரில் வெஸ்ட் இண்டீஸ் அணியும், டி20 தொடரில் வங்கதேச அணியும் வெற்றிபெற்று அசத்தியது. இதையடுத்து வங்கதேச அணி சாம்பியன்ஸ் கோப்பை கிரிக்கெட் தொடரில் விளையாடவுள்ளது.
இந்நிலையில் வங்கதேச டி20 அணியின் கேப்டன் பொறுப்பில் இருந்தும் விலகுவதாக நஹ்முல் ஹொசைன் சாண்டோ அறிவித்துள்ளார். முன்னதாக தென் ஆப்பிரிக்க அணிக்கு எதிரான டெஸ்ட் தொடருடன் டெஸ்ட் அணியின் கேப்டன் பதிவில் இருந்து விலககுவதாக அறிவித்திருந்த நிலையில், வெஸ்ட் இண்டீஸ் டெஸ்ட் தொடருக்கான வங்கதேச அணியின் கேப்டனாக செயல்படுவார் என வங்கதேச கிரிக்கெட் வாரியம் அறிவித்ததிருந்தது.
Trending
ஆனால் காயம் காரணமாக வெஸ்ட் இண்டீஸ் தொடாரில் இருந்து நஜ்முல் ஹொசைன் சாண்டோ விலகியதை அடுத்து, டெஸ்ட் மற்றும் ஒருநாள் அணியின் கேப்டனாக மெஹிதி ஹசன் மிராஸும், டி20 அணியின் கேப்டனாக லிட்டன் தாஸும் நியமிக்கப்பட்டனர். இந்நிலையில் தான் வங்கதேச டி20 அணியின் கேப்டன் பதவியில் இருந்து நஜ்முல் ஹொசைன் சாண்டோ விலகியுள்ளார். இதனை வங்கதேச கிரிக்கெட் வாரியமும் உறுதிசெய்துள்ளது.
இதுகுறித்து பேசிய வங்கதேச கிரிக்கெட் வாரியத் தலைவர் ஃபரூக் அகமது, “வங்கதேச டி20 அணியின் கேப்டன் பொறுப்பிலிருந்து விலகுவதாக நஜ்முல் ஹொசைன் ஷாண்டோ தெரிவித்துள்ளார். அவரது இந்த முடிவை நாங்கள் ஏற்றுக் கொண்டுள்ளோம். அடுத்து சில மாதங்களுக்கு வங்கதேச அணி எந்த ஒரு டி20 தொடரிலும் விளையாடாததால் புதிய கேப்டன் குறித்து தற்போது எந்த ஒரு முடிவும் எடுக்கப்படவில்லை. ஒருநாள் மற்றும் டெஸ்ட் போட்டிகளில் வங்கதேச அணியின் கேப்டனாக அவர் செயல்படுவார்” என்று கூறியுள்ளார்.
Also Read: Funding To Save Test Cricket
இதனால் எதிர்வரும் சாம்பியன்ஸ் கோப்பை கிரிக்கெட் தொடரில் வங்கதேச அணியின் கேப்டனாக நஜ்முல் ஹொசைன் சாண்டோ செயல்படுவார் என்பது உறுதியாகியுள்ளது. அந்தவகையில் வங்கதேச அணி சாம்பியன்ஸ் கோப்பை கிரிக்கெட் தொடரில் குரூப் ஏ பிரிவில் இந்தியா, பாகிஸ்தான் மற்றும் நியூசிலாந்து ஆகிய அணிகளுடன் இடம்பிடித்துள்ளது. இதில் இந்திய அணிக்கு எதிராக வங்கதேச முதல் போட்டியில் விளையாடவுள்ளது குறிப்பிடத்தக்கது.
Win Big, Make Your Cricket Tales Now
