BAN vs AFG, Only Test: நஜ்முல் ஹொசைன் சதம்; வலிமையான முன்னிலையில் வங்கதேசம்!
ஆஃப்கானிஸ்தானுக்கு எதிரான டெஸ்ட் போட்டியின் முதல்நாள் ஆட்டநேர முடிவில் வங்கதேச அணி 5 விக்கெட் இழப்பிற்கு 362 ரன்களைச் சேர்த்துள்ளது.
அதன்படி களமிறங்கிய வங்கதேச அணியின் தொடக்க வீரர் ஸகிர் ஹசன் ஒரு ரன்னை மட்டுமே எடுத்த நிலையில் விக்கெட்டை இழந்தார். அதன்பின் ஜோடி சேர்ந்த மஹ்முதுல் ஹசன் - நஜ்முல் ஹொசைன் சாண்டோ இணை பொறுப்பான ஆட்டத்தை வெளிப்படுத்தி அணியின் ஸ்கொரை உயர்த்தியதுடன், இருவரும் அரைசதம் கடந்தும் அசத்தினர்.
Trending
பின் 76 ரன்களில் மஹ்முதுல் ஹசன் ஆட்டமிழக்க, அடுத்து களமிறங்கிய மொமினுல் ஹக்கும் 15 ரன்களுக்கு நடையைக் கட்டினார். அதேசமயம் மறுபக்கம் அதிரடியான ஆட்டத்தை வெளிப்படுத்திய நஜ்முல் ஹொசைன் சாண்டோ சதமடித்து அசத்தியதோடு 146 ரன்களைச் சேர்த்த நிலையில் விக்கெட்டை இழந்தார்.
அதனைத்தொடர்ந்து களமிறங்கிய கேப்டன் லிட்டன் தாசும் 9 ரன்களுக்கு ஆட்டமிழந்தார். பின்னர் ஜோடி சேர்ந்த முஷ்பிக்கூர் ரஹிம் - மெஹிதி ஹசன் இருவரும் இணைந்து சிறப்பான ஆட்டத்தை வெளிப்படுத்தி அணியின் ஸ்கோரை உயர்த்தினர். இதன்மூலம் முதல்நாள் ஆட்டநேர முடிவில் வங்கதேச அணி 5 விக்கெட் இழப்பிற்கு 362 ரன்களைச் சேர்த்துள்ளது.
இதில் முஷ்பிக்கூர் ரஹீம் 41 ரன்களயும், மெஹிதி ஹசன் 43 ரன்களுடனும் களத்தில் உள்ளனர். ஆஃப்கானிஸ்தான் அணி தரப்பில் நிஜாத் மசூத் 2 விக்கெட்டுகளையும், ஸஹிர் கான், ரஹ்மத் ஷா, அமிர் ஹம்சா ஆகியோர் தலா ஒரு விக்கெட்டையும் கைப்பற்றியுள்ளனர்.
Win Big, Make Your Cricket Tales Now
