மகளிர் டி20 உலகக்கோப்பை: ஸ்கைவர் அதிரடியில் விண்டீஸை வீழ்த்தியது இங்கிலாந்து!

வெஸ்ட் இண்டீஸ் மகளிர் அணிக்கெதிரான டி20 உலகக்கோப்பை லீக் ஆட்டத்தில் இங்கிலாந்து மகளிர் அணி 7 விக்கெட் வித்தியாசத்தில் வெற்றிபெற்றது.

Nat Sciver, Heather Knight Take England To 7-Wicket Win Against West Indies In Women's T20 World Cup (Image Source: Google)

மகளிர் டி20 உலக கோப்பையில் இங்கிலாந்துக்கு எதிரான போட்டியில் முதலில் பேட்டிங் ஆடிய வெஸ்ட் இண்டீஸ் அணி 20 ஓவரில் 135 ரன்கள் அடித்து, 136 ரன்கள் என்ற சவாலான இலக்கை இங்கிலாந்துக்கு நிர்ணயித்துள்ளது.

மகளிர் டி20 உலக கோப்பை கிரிக்கெட் தொடரின் 8ஆவது பதிப்பு தென் ஆப்பிரிக்காவில் நடைபெற்றுவருகிறது. இதில் இன்று நடைபெற்ற லீக் ஆட்டத்தில் இங்கிலாந்து மகளிர் அணி, வெஸ்ட் இண்டீஸ் மகளிர் அணியை எதிர்கொள்கிறது. இந்த போட்டியில் டாஸ் வென்ற வெஸ்ட் இண்டீஸ் அணி பேட்டிங்கை தேர்வு செய்தது.

அதன்படி முதலில் பேட்டிங் ஆடிய வெஸ்ட் இண்டீஸ் அணியின் தொடக்க வீராங்கனையும் கேப்டனுமான ஹைலி மேத்யூஸ் அதிரடியாக பேட்டிங் ஆடி 32 பந்தில் 42 ரன்கள் அடித்தார். 3ஆம் வரிசையில் இறங்கிய கேம்ப்பெல்லி 37 பந்தில் 34 ரன்கள் அடித்தார். இவர்கள் இருவரைத்தவிர வேறு யாரும் சரியாக ஆடவில்லை. அதனால் அந்த அணியால் 20 ஓவரில் 135 ரன்கள் மட்டுமே அடிக்க முடிந்தது.

இதையடுத்து எளிய இலக்கை நோக்கி களமிறங்கிய இங்கிலாந்து மகளிர் அணியில் டேனியல் வியாட் 11 ரன்களிலும், அலிஸ் கேப்ஸி 13 ரன்களிலும் விக்கெட்டை இழக்க, மற்றொரு தொடக்க வீரரான சோபியா டாங்க்லி 34 ரன்களில் ஆட்டமிழந்து பெவிலியனுக்கு திரும்பினார். 

பின்னர் ஜோடி சேர்ந்த நடாலி ஸ்கைவர் - ஹீதர் நைட் இணை அதிரடியான ஆட்டத்தை வெளிப்படுத்தி அணியின் ஸ்கோரை மளமளவென உயர்த்தினர். இறுதிவரை ஆட்டமிழக்காமல் இருந்த இருவரும் அணிக்கு வெற்றியைத் தேடிக்கொடுத்தனர். இதன்மூலம் 14.3 ஓவர்களில் இங்கிலாந்து மகளிர் அணி 7 விக்கெட் வித்தியாசத்தில் வெஸ்ட் இண்டீஸ் மகளிர் அணியை வீழ்த்தி வெற்றிபெற்றது.

Win Big, Make Your Cricket Tales Now