மெக்ராத், வார்னே சாதனைகளை முறியடிக்கவுள்ள நாதன் லையன்!
வெஸ்ட் இண்டீஸுக்கு எதிரான மூன்றாவது டெஸ்ட் போட்டியின் மூலம் ஆஸ்திரேலிய அணியின் நட்சத்திர சுழற்பந்து வீச்சாளர் நாதன் லையன் சில சாதனைகளை படைக்கும் வாய்ப்பை பெற்றுள்ளார்.
ஆஸ்திரேலிய அணி தற்சமயம் வெஸ்ட் இண்டீஸில் சுற்றுப்பயணம் செய்து மூன்று போட்டிகள் கொண்ட டெஸ்ட் தொடரில் விளையாடி வருகிறது. இதில் நடைபெற்று முடிந்த முதலிரண்டு டெஸ்ட் போட்டிகளிலும் ஆஸ்திரேலிய அணி வெற்றிபெற்றதுடன் 2-0 என்ற கணக்கில் தொடரையும் கைப்பற்றி அசத்தியுள்ளது. இதையடுத்து இரு அணிகளுக்கும் இடையேயான இடையேயான மூன்றாவது போட்டி நாளை ஜூலை 12ஆம் தேதி ஜமைக்காவில் நடைபெறவுள்ளது.
இதில் ஏற்கெனவே டெஸ்ட் தொடரை வென்றுள்ள ஆஸ்திரேலிய அணி இப்போட்டியிலும் வெற்றிபெற்று தொடரை முழுமையாக கைப்பற்ற முயற்சிக்கும். அதேசமயம் தொடரை இழந்துள்ள வெஸ்ட் இண்டீஸ் அணி இப்போட்டியில் ஆறுதல் வெற்றியைப் பதிவுசெய்ய கடுமையாக போராடும். இதனால் இப்போட்டியின் மீதான எதிர்பார்ப்பும் அதிகரித்துள்ளது. இந்நிலையில் இந்த போட்டியின் மூலம் ஆஸ்திரேலிய அணி வீரர் நாதன் லையன் சில சாதனைகளை படைக்கும் வாய்ப்பை பெற்றுள்ளார்.
மெக்ராத் சாதனையை முறியடிக்கும் வாய்ப்பு
அதன்படி இப்போட்டியில் நாதன் லையம் 2 விக்கெட்டுகளை கைப்பற்றும் பட்சத்தில் அவர் தனது 564 விக்கெட்டுகளை நிறைவு செய்வார். இதன் மூலம், ஆஸ்திரேலிய அணிக்காக அதிக டெஸ்ட் விக்கெட்டுகளை வீழ்த்திய வீரர்கள் பட்டியலில் அவர் இரண்டாம் இடத்தைப் பிடிப்பார். முன்னதாக முன்னாள் வீரர் கிளென் மெக்ராத் 563 விக்கெட்டுகளை வீழ்த்து இரண்டாம் இடத்தில் உள்ள நிலையில், நாதன் லையன் 562 விக்கெட்டுகளுடன் மூன்றாம் இடத்தில் உள்ளார்.
ஆஸ்திரேலியாவுக்காக அதிக டெஸ்ட் விக்கெட்டுகளை வீழ்த்திய வீரர்கள்
- ஷேன் வார்னே - 145 போட்டிகளில் 273 இன்னிங்ஸ்களில் 708 விக்கெட்டுகள்
- க்ளென் மெக்ராத் - 124 போட்டிகளில் 243 இன்னிங்ஸ்களில் 563 விக்கெட்டுகள்
- நாதன் லையன் - 139 போட்டிகளில் 259 இன்னிங்ஸ்களில் 562 விக்கெட்டுகள்
மெக்ராத் சாதனையை முறியடிக்கும் வாய்ப்பு
இது தவிர, வெஸ்ட் இண்டீஸுக்கு எதிரான மூன்றாவது டெஸ்ட் போட்டியில் லையன் 3 விக்கெட்டுகளை வீழ்த்தும் பட்சத்தில், சர்வதேச டெஸ்ட் கிரிக்கெட்டில் வெஸ்ட் இண்டீஸுக்கு எதிராக அதிக விக்கெட்டுகளை வீழ்த்திய இரண்டாவது வீரர் எனும் பெருமையையும் பெறுவார். தற்போது முன்னாள் ஜாம்பவான் ஷேன் வார்னே 18 போட்டிகளில் 65 விக்கெட்டுகளை வீழ்த்தி இரண்டாம் இடத்தில் உள்ள நிலையில், நாதன் லையன் 14 போட்டிகளில் 63 விக்கெட்டுகளை வீழ்த்தியுள்ளார்.
வெஸ்ட் இண்டீஸுக்கு எதிராக அதிக டெஸ்ட் விக்கெட்டுகள் (ஆஸ்திரேலியா)
- கிளென் மெக்ராத் - 23 போட்டிகளில் 46 இன்னிங்ஸ்களில் 110 விக்கெட்டுகள்
- ஷேன் வார்னே - 19 போட்டிகளில் 33 இன்னிங்ஸ்களில் 65 விக்கெட்டுகள்
- பிரெட் லீ - 12 போட்டிகளில் 24 இன்னிங்ஸ்களில் 64 விக்கெட்டுகள்
- நாதன் லையன்- 14 போட்டிகளில் 26 இன்னிங்ஸ்களில் 63 விக்கெட்டுகள்
Also Read: LIVE Cricket Score
ஆஸ்திரேலிய டெஸ்ட் அணி: பேட் கம்மின்ஸ் (கேப்டன்), சீன் அபோட், ஸ்காட் போலண்ட், அலெக்ஸ் கேரி, கேமரூன் கிரீன், ஜோஷ் ஹேசில்வுட், டிராவிஸ் ஹெட், ஜோஷ் இங்கிலிஸ், உஸ்மான் கவாஜா, சாம் கோன்ஸ்டாஸ், மேத்யூ குஹ்னெமன், மார்னஸ் லபுஷாக்னே, நாதன் லையன், ஸ்டீவ் ஸ்மித், மிட்செல் ஸ்டார்க், பியூ வெப்ஸ்டர்
Win Big, Make Your Cricket Tales Now
