நியூசிலாந்தில் சுற்றுப்பயணம் மேற்கொண்டு வரும் பாகிஸ்தான் அணி தற்சமயம் 5 போட்டிகள் கொண்ட டி20 தொடர் மற்றும் மூன்று போட்டிகள் கொண்ட ஒருநாள் தொடரில் விளையாடி வருகிறது. இதில் தற்சமயம் இரு அணிகளுக்கும் இடையேயான டி20 தொடரானது நடைபெற்றது.
அதன்படி இந்த தொடரில் இதுவரை நான்கு போட்டிகள் நடந்து முடிந்துள்ள நிலையில் அதில் நியூசிலாந்து அணி மூன்று போட்டிகளிலும், பாகிஸ்தான் அணி ஒரு போட்டியிலும் வெற்றியைப் பதிவுசெய்துள்ளன. இதையடுத்து இரு அணிகளுக்கும் இடையேயான ஐந்தாவது மற்றும் கடைசி டி20 போட்டியானது நாளை வெலிங்டனில் உள்ள ஸ்கை கிரிக்கெட் மைதானத்தில் நடைபெறவுள்ளது. அதன்பிறகு இரு அணிகளுக்கும் இடையேயான ஒருநாள் தொடரானது நடைபெற இருக்கிறது.
இந்நிலையில் பாகிச்தானுக்கு எதிரான ஒருநாள் தொடரில் பங்கேற்கும் நியூசிலாந்து அணியை அந்நாட்டு கிரிக்கெட் வாரியம் இன்று அறிவித்துள்ளது. இந்த அணிக்கு கேப்டனாக டாம் லேதம் நியமிக்கப்பட்டுள்ளார். மேற்கொண்டு இந்த அணியில் மைக்கேல் பிரேஸ்வெல், டேரில் மிட்செல், வில் யங், மார்க் சாப்மேன், வில்லியம் ஓ ரூர்க், ஜேக்கப் டஃபி ஆகியோருடன் அறிமுக வீரர்கள் நிக்கி கெல்லி மற்றும் முகமது அப்பாஸ் ஆகியோருக்கும் இந்த அணியில் வாய்ப்பு வழங்கப்பட்டுள்ளது.
