எம்எல்சி 2025: எம்ஐ நியூயார்க் அணியின் கேப்டனாக நிக்கோலஸ் பூரன் நியமனம்!

எதிர்வரும் எம்எல்சி தொடரில் மும்பை இந்தியன்ஸ் நியூயார்க் அணியின் புதிய கேப்டனாக நிக்கோலஸ் பூரன் நியமிக்கப்பட்டுள்ளார்.

எம்எல்சி 2025: எம்ஐ நியூயார்க் அணியின் கேப்டனாக நிக்கோலஸ் பூரன் நியமனம்! (Image Source: Google)

மேஜர் லீக் கிரிக்கெட் 2025: சமீபத்தில் சர்வதேச கிரிக்கெட்டில் இருந்து ஓய்வை அறிவித்த வெஸ்ட் இண்டீஸ் அணியின் நட்சத்திர வீரர் நிக்கோல்ஸ் பூரன் எம்எல்சி தொடரின் மும்பை இந்தியன்ஸ் நியூயார்க் அணியின் கேப்டனாக நியமிக்கப்பட்டுள்ளார். 

இந்தியாவில் நடைபெற்று வரும் ஐபிஎல் தொடரைப் பின்பற்றி உலகெங்கிலும் பல்வேறு நாடுகளில் டி20 லீக் தொடர்கள் நடத்தப்பட்டு வருகின்றன. அதன் ஒருபகுதியாக அமெரிக்காவில் கடந்தாண்டு முதல் மேஜர் லீக் கிரிக்கெட் (எம்எல்சி) டி20 தொடரானது தொடங்கப்பட்டுள்ளது. மொத்தம் 6 அணிகள் பங்கேற்கும் இத்தொடரின் முதல் சீசனில் ஸ்டீவ் ஸ்மித் தலைமையிலான வாஷிங்டன் ஃப்ரீடம் அணி கோப்பையை வென்றது. 

இதையடுத்து எம்எல்சி தொடரின் இரண்டாவது சீசன் நாளை முதல் கோலாகலமாக தொடங்கவுள்ளது. இதில் நாளை நடைபெறும் முதல் லீக் போட்டியில் நடப்பு சாம்பியன் வாஷிங்டன் ஃப்ரீடம் அணியை எதிர்த்து சான் ஃபிரான்சிஸ்கோ யூனிகார்ன்ஸ் அணி பலப்பரீட்சை நடத்தவுள்ளது. மேற்கொண்டு நாளை மறுநாள் நடைபெறும் இரண்டாவது லீக் போட்டியில் எம்ஐ நியூயார்க் மற்றும் டெக்ஸாஸ் சூப்பர் கிங்ஸ் அணிகள் பலப்பரீட்சை நடத்தவுள்ளன. 

இந்நிலையில் இத்தொடருக்கு முன்னதாக மும்பை இந்தியன்ஸ் நியூயார்க் நிர்வாகம் சமீபத்தில் சர்வதேச கிரிக்கெட்டில் இருந்து ஓய்வை அறிவித்த வெஸ்ட் இண்டீஸின் அதிரடி வீரர் நிக்கோலஸ் பூரனை தங்கள் அணியின் கேப்டனாக நியமித்துள்ளது. முன்னதாக எம்ஐ நியூயார்க் அணியின் கேப்டனாக செயல்பட்டு வந்த கீரன் பொல்லர்டை அப்பதவியில் இருந்து இறக்கி நிக்கோலஸ் பூரன் புதிய கேப்டனாக நியமிக்கப்பட்டுள்ளார். 

சமீபத்தில் நடந்து முடிந்த ஐபிஎல் தொடரில் லக்னோ சூப்பர் ஜெயண்ட்ஸ் அணிக்காக விளையாடி வந்த நிக்கோலஸ் பூரன், இந்த சீசனில் 500க்கும் மேற்பட்ட ரன்களை அடித்ததுடன், அதிக சிக்ஸர்களை விளாசிய வீரராகவும் திகழந்தார். இத்தகைய சூழலில் அவர் நியூயார்க் அணியின் கேப்டனாக நியமிக்கப்பட்டுள்ளதால், அவருடைய அதிரடியான அணுகுமுறையும், கேப்டன்சி யுக்தியும் எடுபடுமா என்பதை பொறுத்திருந்து தான் பார்க்க வேண்டும். 

மும்பை இந்தியன்ஸ் நியூயார்க்: நிக்கோலஸ் பூரன் (கேப்டன்), குயின்டன் டி காக், ஜார்ஜ் லிண்டே, அஸ்மத்துல்லா ஓமர்சாய், கீரன் பொல்லார்ட், மைக்கேல் பிரேஸ்வெல், டிரென்ட் போல்ட், ரஷித் கான், தஜிந்தர் சிங், குன்வர்ஜீத் சிங்,  சன்னி படேல், ஹீத் ரிச்சர்ட்ஸ், நோஷ்துஷ் கென்ஜிகே, ஈசான் அடில், நவீன் உல் ஹக், ருஷில் உகார்கர், மோனக் படேல், அக்னி சோப்ரா, ஷரத் லும்பா