தென் ஆப்பிரிக்க அணி தற்சமயம் இலங்கை அணிக்கு எதிரான இரண்டு போட்டிகள் கொண்ட டெஸ்ட் தொடரில் விளையாடி வருகிறது. இதில் நடைபெற்று முடிந்த முதல் டெஸ்ட் போட்டியில் தென் ஆப்பிரிக்க அணி வெற்றிபெற்று தொடரில் 1-0 என்ற கணக்கில் முன்னிலைப் பெற்றுள்ளது. இதையடுத்து இவ்விரு அணிகளுக்கும் இடையேயான இரண்டாவது டெஸ்ட் போட்டி நாளை நடைபெறவுள்ளது.
இதனையடுத்து தென் ஆப்பிரிக்கா அணியானது சொந்த மண்ணில் பாகிஸ்தானுக்கு அணிக்கு எதிராக மூன்று போட்டிகள் கொண்ட ஒருநாள் மற்றும் டி20 தொடரிலும், இரண்டு போட்டிகள் கொண்ட டெஸ்ட் தொடரிலும் விளையாடவுள்ளது. இதில் டி20 தொடரான டிசம்பர் 10ஆம் தேதி முதலும், ஒருநாள் தொடர் டிசம்பர் 17அம் தேதி முதலும் நடைபெறவுள்ள நிலையில், டெஸ்ட் தொடரானது பாக்ஸிங் டேவான டிசம்பர் 26ஆம் தேதி முதலும் தொடங்கவுள்ளது.
இந்நிலையில் இத்தொடருக்கான பாகிஸ்தான் அணியை அந்நாட்டு கிரிக்கெட் வாரியம் இன்று அறிவித்தது. இதில் டெஸ்ட் தொடருக்கான பாகிஸ்தான் அணியில் நட்சத்திர வீரர் ஷாஹீன் அஃப்ரிடிக்கு ஓய்வளிக்கப்பட்டுள்ளது. மேற்கொண்டு சஜித் கான், ஃபகர் ஸமான் உள்ளிட்டோருக்கும் இந்த தொடரில் வாய்ப்பு வழங்கப்படவில்லை. அதேசமயம் டெஸ்ட் அணியின் கேப்டனாக ஷான் மசூத்தும், ஒருநாள் மற்றும் டி20 அணிகளின் கேப்டனாக முகமது ரிஸ்வானும் தொடர்கின்றனர்.
