NZ vs PAK, 4th T20I: அணியை காப்பாற்றிய ரிஸ்வான்; நியூசிலாந்துக்கு 159 டார்கெட்!

நியூசிலாந்துக்கு எதிரான நான்காவது டி20 போட்டியில் முதலில் பேட்டிங் செய்த பாகிஸ்தான் அணி 159 ரன்களை இலக்காக நிர்ணயித்துள்ளது.

NZ vs PAK, 4th T20I: அணியை காப்பாற்றிய ரிஸ்வான்; நியூசிலாந்துக்கு 159 டார்கெட்! (Image Source: Google)

பாகிஸ்தான் அணி நியூசிலாந்தில் சுற்றுப்பயணம் மேற்கொண்டு 5 போட்டிகள் கொண்ட டி20 தொடரில் விளையாடி வருகிறது. இதில் இரு அணிகளுக்கும் இடையே நடைபெற்று முடிந்த 3 டி20 போட்டிகளின் முடிவிலும் நியூசிலாந்து அணி பாகிஸ்தானை வீழ்த்தி வெற்றிபெற்றதுடன் 3-0 என்ற கணக்கி டி20 தொடரையும் கைப்பற்றி அசத்தியுள்ளது. 

இந்நிலையில் இரு அணிகளுக்கும் இடையேயான நான்காவது டி20 போட்டி நாளை கிறிஸ்ட்சர்ச்சில் உள்ள ஹக்லி ஓவல் மைதானத்தில் நடைபெறவுள்ளது. இப்போட்டியில் டாஸ் வென்றுள்ள நியூசிலாந்து அணி முதலில் பந்துவீசுவதாக அறிவித்தது. அதன்படி களமிறங்கிய பாகிஸ்தான் அணியின் தொடக்க வீரர் சைம் அயுப் ஒரு ரன்னில் விக்கெட்டை இழந்து ஏமாற்றமளித்தார். 

இருப்பினும் மற்றொரு தொடக்க வீரரான முகமது ரிஸ்வான் அதிரடியான ஆட்டத்தை வெளிப்படுத்தி அணியின் ஸ்கோரை உயர்த்த மறுபக்கம் களமிறங்கிய, நட்சத்திர வீரர் பாபர் அசாம் 19 ரன்களுக்கும், ஃபகர் ஸ்மான் 9 ரன்களுக்கும், சாஹிப்ஸதா ஃபர்ஹான் ஒரு ரன்னிலும், இஃப்திகார் அஹ்மத் 10 ரன்களுக்கும் என விக்கெட்டுகளை இழந்து ஏமாற்றமளித்தனர். 

அதேசமயம் சிறப்பான ஆட்டத்தை வெளிப்படுத்திய முகமது ரிஸ்வான் தனது அரைசதத்தைப் பதிவுசெய்து தனி ஒருவனாக அணியின் ஸ்கோரை உயர்த்தினார். இதில் இறுதிவரை ஆட்டமிழக்காமல் இருந்த முகமது ரிஸ்வான் 6 பவுண்டரி, 2 சிச்கர்கள் என 90 ரன்களையும், அவருக்கு துணையாக விளையாடிய முகமது நவாஸ் 3 சிக்சர்களை விளாசி 20 ரன்களையும் சேர்த்து அணிக்கு ஃபினீஷிங்கைக் கொடுத்தனர். 

இதன்மூலம் 20 ஓவர்கள் முடிவில் பாகிஸ்தான் அணி 7 விக்கேட்டுகளை இழந்து 158 ரன்களைச் சேர்த்தது. நியூசிலாந்து அணி தரப்பில் சிறப்பாக பந்துவீசிய மேட் ஹென்றி மற்றும் லோக்கி ஃபர்குசன் தலா 2 விக்கெட்டுகளைக் கைப்பற்றினர்.