சர்வதேச கிரிக்கெட்டிலிருந்து ஓய்வை அறிவித்தார் காலின் முன்ரோ!
அனைத்து விதமான சர்வதேச கிரிக்கெட்டிலிருந்தும் ஓய்வு பெறுவதாக நியூசிலாந்து அணியின் நட்சத்திர வீரர் காலின் முன்ரோ அறிவித்துள்ளார்.
நியூசிலாந்து கிரிக்கெட் அணியின் அதிரடி தொடக்க வீரர்களில் ஒருவராக அறியப்பட்டவர் காலின் முன்ரோ. இவர் நியூசிலாந்து அணிக்காக ஒரு டெஸ்ட், 57 ஒருநாள் மற்றும் 65 டி20 போட்டிகளில் விளையாடி இரண்டாயிறத்திற்கும் மேற்பட்ட ரன்களை குவித்துள்ளார். இதில் சர்வதேச டி20 கிரிக்கெட்டில் 3 சதங்களை விளாசியுள்ளார். மேலும் ஐபிஎல் தொடரிலும் 13 போட்டிகளில் விளையாடியுள்ளார் என்பது குறிப்பிடத்தக்கது.
அதேசமயம் இவர் காடந்த 2019ஆம் ஆண்டு நடைபெற்ற ஒருநாள் உலகக்கோப்பை தொடருக்கான நியூசிலாந்து அணியிலும் இடம்பிடித்திருந்தார். ஆனால் அத்தொடருக்கு பிறகு சரியான ஃபர்ம் இல்லாத காரணத்தில் நியூசிலாந்து அணியிலிருந்து கலட்டிவிடப்பட்டார். அதன்படி அவர் நியூசிலாந்து அணிக்காக சர்வதேசப் போட்டியில் விளையாடி நான்கு ஆண்டுகள் மேலாகின்றது. இருப்பினும், உலகின் பல்வேறு டி20 லீக் போட்டிகளில் அவர் தொடர்ச்சியாக சிறப்பான ஆட்டத்தை வெளிப்படுத்தி வருகிறார்.
Trending
அண்மையில் நடைபெற்ற பாகிஸ்தான் சூப்பர் லீக் தொடரில் சிறப்பாக விளையாடிய முன்ரோ, அந்தத் தொடரில் அதிக ரன்கள் குவித்தவர்களில் 6ஆவது இடம் பிடித்தார். கரீபியன் லீக் போட்டிகளில் அதிக ரன்கள் குவித்துள்ள 7ஆவது வீரராகவும் உள்ளார். இதன் காரணமாக இந்தாண்டு அமெரிக்கா மற்றும் வெஸ்ட் இண்டீஸில் நடைபெறவுள்ள டி20 உலகக்கோப்பை கிரிக்கெட் தொடருக்கான நியூசிலாந்து அணியில் இடம்பிடிப்பார் என்ற எதிர்பார்ப்புகள் இருந்தது.
ஆனால் தற்சமயம் அறிக்கப்பட்டுள்ள கேன் வில்லியம்சன் தலைமையிலான டி20 உலகக்கோப்பை நியூசிலாந்து அணியில் காலின் முன்ரோவுக்கு வாய்ப்பு வழங்கப்படவில்லை. இந்நிலையில் சர்வாதேச கிரிக்கெட்டில் இருந்து ஓய்வை அறிவிக்கவுள்ளதாக காலின் முன்ரோ இன்று அறிவித்துள்ளார். காலின் முன்ரோ ஓய்வு பெற்றுள்ள செய்தியை நியூசிலாந்து கிரிக்கெட் வாரியமும் அதிகாரப்பூர்வமாக அறிவித்துள்ளது.
இந்நிலையில் தனது ஓய்வு முடிவு குறித்து பேசிய காலின் முன்ரோ, நியூசிலாந்து அணிக்காக விளையாடுவது எப்போதுமே எனது விளையாட்டு வாழ்க்கையில் மிகப்பெரிய சாதனையாக இருந்து வருகிறது. நியூசிலாந்தின் ஜெர்சியை அணிந்து விளையாடியதை விட நான் வேறு எதற்காகவும் பெருமையடையவில்லை. மேலும் எல்லா வடிவங்களிலும் சேர்த்து 123 முறை என்னால் நியூசிலாந்து அணிக்காக சர்வதேச கிரிக்கெட்டில் விளையாட முடிந்தது.
இது நான் எப்போதும் நம்பமுடியாத அளவிற்கு பெருமைப்படக்கூடிய ஒன்று. ஆனால் நியூசிலாந்து அணிக்காக நான் கடைசியாக விளையாடி சிறிது காலம் ஆகிவிட்டது என்றாலும், எனது உரிமையாளரான டி20 ஃபார்மில் இருந்து என்னால் திரும்ப முடியும் என்ற நம்பிக்கையை நான் ஒருபோதும் கைவிடவில்லை. தற்சமயம் டி20 உலகக் கோப்பைக்கான நியூசிலாந்து அணி அறிவிக்கப்பட்டுள்ளதால், அந்த அத்தியாயத்தை அதிகாரப்பூர்வமாக மூட இது சரியான நேரம் என நினைக்கிறேன்” என்று தெரிவித்துள்ளார்.
Win Big, Make Your Cricket Tales Now
