நாட்டிற்கு திரும்பிய வில்லியம்சன்; காணொளியில் உருக்கம்!

நன்றாக விளையாடி உங்களை மகிழ்விக்க வேண்டும் என்று வந்தேன். இப்படி நடந்து விட்டது என உருக்கமாக பேசிய பிறகு கேன் வில்லியம்சன் சொந்த நாட்டுக்குச் சென்றார் கேன் வில்லியம்சன். அவர் பேசிய காணொளியை குஜராத் டைட்டன்ஸ் அணி நிர்வாகம் வெளியிட்டுள்ளது.

"On my way home to begin the road to recovery" - Kane Williamson (Image Source: Google)

ஐபிஎல் தொடர் 2016ஆவது சீசன் குஜராத்தில் உள்ள அகமதாபாத் மைதானத்தில் கோலாகலமாக துவங்கியது. இந்த சீசனின் முதல் போட்டியில் நடப்பு சாம்பியன் குஜராத் டைட்டன்ஸ் அணி, நான்கு முறை சாம்பியன் பட்டம் வென்ற சென்னை சூப்பர் கிங்ஸ் அணியை எதிர்கொண்டது.

இந்த போட்டியில் சிஎஸ்கே அணி முதலில் பேட்டிங் செய்தது. அபாரமாக விளையாடி வந்த ருத்துராஜ் கெய்க்வாட் அடித்த பந்தை பவுண்டரியில் நின்றுகொண்டிருந்த கேன் வில்லியம்சன், பந்தை தடுத்து உள்ளே தூக்கிப்போட்டார். ஆனால் அதை திரும்ப வந்து தடுக்க முடியாமல் காலில் படுகாயம் அடைந்து பவுண்டரிக்கு வெளியே படுத்துவிட்டார்.

மருத்துவர்கள் வேகமாக உள்ளேவந்து கேன் வில்லியம்சனை தோள்பட்டையில் தாங்கியபடி வெளியே தூக்கிச்சென்றனர். பின்னர்  ஸ்கேன் செய்வதற்கு மருத்துவமனைக்கும் அழைத்துச் சென்றனர். வெளிவந்த ஸ்கேன் ரிப்போர்ட்டின்படி, அடுத்த ஐந்து வாரங்களுக்கு கேன் வில்லியம்சன் கிரிக்கெட்டில் ஈடுபட முடியாது என்பது உறுதியாகியது. இதனால் காயம் காரணமாக ஐபிஎல் தொடரில் இருந்து கேன் வில்லியம்சன் விலகுகிறார் என்று அறிவிப்பை வெளியிட்டது குஜராத் டைட்டன்ஸ் அணி நிர்வாகம்.

இலங்கை அணிக்கு எதிரான டெஸ்ட் தொடரில் சதம் மற்றும் இரட்டை சதம் அடித்து மிகச்சிறந்த பாமில் இருந்தபடி, ஐபிஎல் விளையாட வந்த கேன் வில்லியம்சன், சென்னை சூப்பர் கிங்ஸ் அணிக்கு எதிரான முதல் போட்டியின்போது இப்படி படுகாயம் அடைந்து வெளியேறியது அவருக்கு மட்டுமல்ல, கிரிக்கெட் ரசிகர்கள் பலருக்கும் வருத்தத்தை கொடுத்திருக்கிறது.

காயத்திற்கு சிகிச்சை பெற்றுக்கொண்டு ஐபிஎல் தொடரிலிருந்து விலகி, நியூசிலாந்து செல்வதற்கு முன்னர் உருக்கமான காணொளியையும் வெளியிட்டு இருக்கிறார் கேன் வில்லியம்சன். இந்த காணொளியை குஜராத் டைட்டன்ஸ் அணி நிர்வாகம் தனது ட்விட்டர் பக்கத்தில் வெளியிட்டுள்ளது. 

See you soon, Kane!

Speedy recovery, #AavaDe pic.twitter.com/smaa7KXpzE

— Gujarat Titans (@gujarat_titans) April 2, 2023

அதில், அவர் கூறியிருப்பதாவது: “குஜராத் டைட்டன்ஸ் அணிக்கு எஞ்சிய சீசனுக்கு வாழ்த்துகள். நான் உங்கள் அனைவருடனும் இருந்திருக்க விரும்புகிறேன், ஆனால் இப்படி நடந்து விட்டது. மேலும் ரசிகர்களின் அன்பான ஆதரவிற்கு நன்றி தெரிவிக்க விரும்புகிறேன், விரைவில் குணமடைய காத்திருக்கிறேன், நன்றி" என்று பேசியுள்ளார்.  

Win Big, Make Your Cricket Tales Now