பும்ராவை எதிர்கொள்ள இவரால் மட்டுமே முடியும் - கவுதம் காம்பீர் ஓபன் டாக்!

ஜஸ்பிரித் பும்ரா போன்ற ஒரு சிறந்த வீரரை ஏபி டிவில்லியர்ஸ் ஆல் மட்டுமே சமாளிக்க முடியும் என்று இந்திய அணியின் முன்னாள் வீரர் கவுதம் காம்பீர் தெரிவித்துள்ளார்.

ரசிகர்களின் பெரும் எதிர்பார்ப்புகளுக்கு மத்தியில் 14ஆவது சீசன் ஐபிஎல் தொடரின் எஞ்சியுள்ள போட்டிகள் நாளை மறுநாள் ஐக்கிய அரபு அமீரகத்தில் தொடங்குகின்றன. இதற்காக அனைத்து ஐபிஎல் அணிகளும் தீவிரமாக தயாராகி வருகின்றன.

இந்நிலையில், பும்ரா போன்ற ஒரு சிறந்த பந்துவீச்சாளரை ஏபி டி வில்லியர்ஸால் மட்டும் தான் சமாளிக்க முடியும் என இந்திய அணியின் முன்னாள் வீரர் கவுதம் காம்பீர் தெரிவித்துள்ளார்.

இதுகுறித்து பேசிய காம்பீர், “விராட் கோலியின் ராயல் சேலஞ்சர்ஸ் பெங்களூருவில் எதிரணியில் ஆதிக்கம் செலுத்தக்கூடிய பல நல்ல வீரர்கள் உள்ளனர்.  ஐபிஎல் 2021 ஒத்திவைப்பதற்கு முன், ஆர்சிபி தனது ஏழு ஆட்டங்களில் ஐந்தில் வென்று, புள்ளிகள் பட்டியலில் மூன்றாவது இடத்தில் இருந்தது.  

கரோனா அலைக்கு பிறகு மீதமுள்ள போட்டிகள் தொடங்க சில நாட்களே உள்ளன, அதே நேரத்தில் கோலி அணி பட்டியலில் முதல் இடத்தை நோக்கி சென்று கொண்டிருக்கிறது.  கோலியின் அணியில் ஏபி டி வில்லியர்ஸ் மற்றும் கிளென் மேக்ஸ்வெல் போன்றவர்கள் உள்ளனர்.  ஒருவர் விளையாடவில்லை என்றாலும் மற்றொரு வீரர் சிறப்பாக ஆடுவர்.  ஜஸ்பிரித் பும்ரா போன்ற ஒருவரை சமாளிக்க ஆர்சிபியில் ஏபி டி வில்லியர்ஸ் ஆல் மட்டுமே முடியும்.

கோலியின் ஃபார்முலா, எதிர் அணியினரை பந்து வீச்சால் கலங்கைடிக்க வேண்டும்.  குறிப்பாக ஐபிஎல்லில் இது மிக முக்கியம்.   இந்திய அணியில் 5,6  சிறந்த  பந்துவீச்சாளர்களை கோலி கொண்டுள்ளார்.  ஐபிஎல்லிலும் இரண்டு, மூன்று சிறந்த சர்வதேச பந்துவீச்சாளர்கள் மற்றும் உள்நாட்டு  பந்துவீச்சாளர்களை கொண்டுள்ளார்.  

தற்போது உள்ள அணிகளில் ஆசிபி பலம் வாய்ந்ததாக உள்ளது.  இந்த முறை கோப்பையை வெல்ல கோலியின் மீது நிறைய அழுத்தங்கள் உள்ளது.  நிச்சயம் கோப்பையை வெல்வார் என்று எதிர்பார்க்கிறேன்” என தெரிவித்துள்ளார்.