PAK vs BAN, 2nd Test: ஃபீல்டிங்கின் போது காயமடைந்த முஷ்ஃபிக்கூர்; வங்கதேச அணிக்கு பின்னடைவு!
பாகிஸ்தான் அணிக்கு எதிரான இரண்டாவது டெஸ்ட் போட்டியில் வங்கதேச அணி வீரர் முஷ்ஃபிக்கூர் ரஹிம் காயமடைந்துள்ளது அந்த அணிக்கு பெரும் பின்னடைவை ஏற்படுத்தியுள்ளது.
பாகிஸ்தான் - வங்கதேச அணிகளுக்கு இடையேயான இரண்டாவது டெஸ்ட் போட்டியானது நேற்று ராவல்பிண்டி கிரிக்கெட் மைதானத்தில் நடைபெற இருந்தது. ஆனால் தொடர் மழை காரணமாக இப்போட்டியின் முதல் நாள் ஆட்டமானது முழுவதுமாக கைவிடப்பட்டது. இதையடுத்து இன்று தொடங்கிய இரண்டாம் நாள் ஆட்டத்தில் டாஸ் வென்ற வங்கதேச அணியானது முதலில் பந்துவீசுவதாக அறிவித்து பாகிஸ்தான் அணியை பேட்டிங் செய்ய அழைத்தது.
அதன்படி களமிறங்கிய பாகிஸ்தான் அணியானது முதல் இன்னிங்ஸில் அடுத்தடுத்து விக்கெட்டுகளை இழந்து 274 ரன்களுக்கு ஆல் அவுட்டானது. அந்த அணியில் அதிகபட்சமாக சைம் அயூப் 58 ரன்களையும், கேப்டன் ஷான் மசூத் 57 ரன்களையும் அகா சல்மான் 54 ரன்களையும் சேர்த்ததைத் தவிர்த்து மற்ற வீரர்கள் சொர்ற்ப ரன்களுக்கு ஆட்டமிழந்தனர். வங்கதேச அணி தரப்பில் சிறப்பான பந்துவீச்சை வெளிப்படுத்திய மெஹிதி ஹசன் மிராஸ் 5 விக்கெட்டுகளை கைப்பற்றினார்.
Trending
இதனையடுத்து முதல் இன்னிங்ஸைத் தொடங்கிய வங்கதேச அணிக்கு ஷாத்மான் இஸ்லாம் - ஜகிர் ஹசன் இணை தொடக்கம் கொடுத்தனர். இதன்மூலம் இரண்டாம் நாள் ஆட்டநேர முடிவில் வங்கதேச அணியானது விக்கெட் இழப்பின்றி 10 ரன்களை எடுத்துள்ளது. இதில் ஷாத்மன் இஸ்லாம் 6 ரன்களுடனும், ஜகிர் ஹசன் ரன்கள் ஏதுமின்றியும் களத்தில் உள்ளனர். இதனையடுத்து 264 ரன்கள் பின் தங்கிய நிலையில் வங்கதேச அணியானது நாள் மூன்றாம் நாள் ஆட்டத்தை தொடரவுள்ளது.
இந்நிலையில் இப்போட்டியின் போது வங்கதேச அணியின் நட்சத்திர வீரர் முஷ்ஃபிக்கூர் ரஹிம் காயமடைந்தார். அதன்படி வங்கதேச அணி ஃபீல்டிங் செய்துகொண்டிருந்த அவர்களின் அனுபவ வீரர் முஷ்ஃபிக்கூர் ரஹீம் தோள்பட்டையில் காயம் அடைந்தார். மேலும் அவரது காயம் மிகவும் மோசமாக இருந்ததால் மைதானத்தை விட்டும் வெளியேறினார். இதனையடுத்து அவருக்கு மருத்துவ பரிசோதனைகள் மேற்கொள்ளப்பட்டு வருகிறது.
Also Read: Funding To Save Test Cricket
இதனால் அவர் வங்கதேச அணிக்காக பேட்டிங் செய்ய களமிறங்குவாரா என்ற கேள்வி எழுந்துள்ளது. ஏனெனில் கடந்த போட்டியில் தடுமாறிய வங்கதேச அணியை சதமடித்து வெற்றிக்கு அழைத்துச் சென்றதுடன், அப்போட்டிக்கான ஆட்டநாயகன் விருதையும் முஷ்ஃபிக்கூர் ரஹிம் கைப்பற்றி இருந்தார். இந்நிலையில் அவர் காயமடைந்துள்ளது அந்த அணிக்கு பெரும் பின்னடைவாக பார்க்கப்படுகிறது.
Win Big, Make Your Cricket Tales Now
