PAK vs ENG, 1st T20: ரிஸ்வான் அரைசதம்; இங்கிலாந்துக்கு 159 டார்கெட்!
இங்கிலாந்துக்கு எதிரான முதல் டி20 போட்டியில் முதலில் பேட்டிங் செய்த பாகிஸ்தான் அணி 159 ரன்களை இலக்காக நிர்ணயித்துள்ளது.
இப்போட்டியில் டாஸ் வென்ற இங்கிலாந்து அணி கேப்டன் மொயீன் அலி முதலில் பந்துவீசுவதாக தீர்மானித்தார். அதன்படி களமிறங்கிய பாகிஸ்தான் அணிக்கு கேப்டன் பாபர் ஆசாம் - முகமது ரிஸ்வான் இணை அதிரடியான தொடக்கத்தைக் கொடுத்தனர்.
Trending
தொடர்ந்து அபாரமாக விளையாடிய இருவரும் அடுத்தடுத்து பவுண்டரிகளை விளாசி அணியின் ஸ்கோரை உயர்த்தினார். இதில் அரைசதம் அடிப்பார் என எதிர்பார்க்கப்பட்ட பாபர் ஆசாம் 31 ரன்களில் ஆட்டமிழக்க, முகமது ரிஸ்வான் அரைசதம் கடந்தார்.
அதன்பின் களமிறங்கிய ஹைதர் அலி 11 ரன்களிலும், ஷான் மசூத் 7 ரன்களோடு ஆட்டமிழக்க, மறுமுனையில் அதிரடியாக விளையாடி வந்த முகமது ரிஸ்வான் 68 ரன்கள் சேர்த்த நிலையில் மொயீன் அலி பந்துவீச்சில் ஆட்டமிழந்தார்.
இறுதியில் இஃப்திகார் அஹ்மத் அதிரடியான ஆட்டத்தை வெளிப்படுத்தி ஸ்கோரை மளமளவென உயர்த்தினார். பின் 28 ரன்கள் எடுத்திருந்த இஃப்திகார் ஆட்டமிழந்தார். இதன்மூலம் 20 ஓவர்கள் முடிவில் பாகிஸ்தான் அணி 7 விக்கெட் இழப்பிற்கு 158 ரன்களை எடுத்தது.
இங்கிலாந்து அணி தரப்பில் லுக் வுட் 3 விக்கெட்டுகளையும், ஆதில் ரஷித் 2 விக்கெட்டுகளைக் கைப்பற்றி அசத்தினர்.
Win Big, Make Your Cricket Tales Now
