பிஎஸ்எல் 2021: பரபரப்பான ஆட்டத்தில் இஸ்லாமாபாத் த்ரில் வெற்றி!
முல்தான் சுல்தான்ஸ் அணிக்கெதிரான பிஎஸ்எல் லீக் ஆட்டத்தில் இஸ்லாமாபாத் யுனைடெட் அணி 4 விக்கெட் வித்தியாசத்தில் த்ரில் வெற்றி பெற்றது.
பிஎஸ்எல் தொடரில் நேற்று நடைபெற்ற 30ஆவது லீக் ஆட்டத்தில் முல்தான் சுல்தான்ஸ் அணி, இஸ்லாமாபாத் யுனைடெட் அணியை எதிர்கொண்டது. இதில் டாஸ் வென்ற யுனைடெட் அணி முதலில் பந்துவீசத் தீர்மானித்தது.
அதன்படி களமிறங்கிய முல்தான் சுல்தான்ஸ் அணியில் ஷான் மசூத் அதிரடியாக விளையாடி அரைசதம் கடந்தார். பின் 59 ரன்களில் மசூத் ஆட்டமிழக்க, அவரைத் தொடர்ந்து வந்த வீரர்கள் மளமளவென விக்கெட்டுகளை இழந்து பெவிலியன் திரும்பினர்.
Trending
இதனால் 20 ஓவர்களில் முல்தான் சுல்தான்ஸ் அணி அனைத்து விக்கெட்டுகளையும் இழந்து 149 ரன்களைச் சேர்த்தது. யுனைடெட் அணி தரப்பில் முகமது வாசிம் ஜூனியர் 4 விக்கெட்டுகளைக் கைப்பற்றினார்.
அதன்பின் வெற்றி இலக்கைத் துரத்திய யுனைடெட் அணி சதாப் கான், ஹுசைன் தாலத் ஆகியோரது பொறுப்பான ஆட்டத்தால் 19.4 ஓவர்களில் வெற்றி இலக்கை எட்டியது.
இதன்மூலம் இஸ்லாமாபாத் யுனைடெட் அணி 4 விக்கெட் வித்தியாசத்தில் முல்தான் சுல்தான்ஸ் அணியை வீழ்த்தி த்ரில் வெற்றியைப் பெற்றதுடன் புள்ளிப்பட்டியலிலும் முதலிடத்திற்கு முன்னேறியது.
Win Big, Make Your Cricket Tales Now
Cricket Scorecard
