PSL 2023: காட்மோர், பாபர் ஆசாம் அதிரடி; கராச்சி கிங்ஸுக்கு 200 டார்கெட்!

கராச்சி கிங்ஸுக்கு எதிரான பிஎஸ்எல் லீக் ஆட்டத்தில் முதலில் பேட்டிங் செய்த பெஷாவர் ஸால்மி அணி 200 ரன்களை இலக்காக நிர்ணயித்துள்ளது.

PSL 2023: Tom Kohler missed century by 8 runs; Zalmi set a target of 200 for Karachi Kings! (Image Source: Google)

பாகிஸ்தான் சூப்பர் லீக் தொடரின் 8ஆவது சீசன் கோலாகலமாக தொடங்கியுள்ளது. இதில் இன்று நடைபெறும் இரண்டாவது லீக் ஆட்டத்தில் பாபர் ஆசாம் தலைமையிலான பேஷவர் ஸால்மி அணி, இமாத் வாசிம் தலைமையிலான கராச்சி கிங்ஸ் அணியை எதிர்கொண்டது.

கராச்சியிலுள்ள தேசிய கிரிக்கெட் மைதானத்தில் நடைபெறும் இப்போட்டியில் டாஸ் வென்ற கராச்சி கிங்ஸ் அணி முதலில் பந்துவீசுவதாக தீர்மானித்தது. அதன்படி களமிறங்கிய பேஷாவர் ஸால்மி அணியில் தொடக்க வீரர் முகமது ஹாரிஸ் 10 ரன்களிலும், சாய்ம் அயூப் ஒரு ரன்னிலும் ஆட்டமிழந்து பெவிலியனுக்கு நடையைக் கட்டினர். 

பின்னர் ஜோடி சேர்ந்த கேப்டன் பாபர் அசாம் - கொஹ்லர் காட்மோர் இணை அதிரடியான ஆட்டத்தை வெளிப்படுத்தி அணியின் ஸ்கோரை மளமளவென உயர்த்தினர். தொடர்ந்து அபார ஆட்டத்தை வெளிப்படுத்திய இருவரும் அரைசதம் கடந்தும் அசத்தினர். அதன்பின் 68 ரன்களைச் சேர்த்திருந்த பாபர் ஆசம், இம்ரான் தாஹிர் பந்துவீச்சில் ஆட்டமிழந்தார். 

அவரைத் தொடந்து வந்த பனுகா ராஜபக்க்ஷாவும் 6 ரன்களில் விக்கெட்டை இழந்தார். பின்னர் காட்மோருடன் ஜோடி சேர்ந்த ஜிம்மி நீஷமும் அதிரடி ஆட்டத்தை வெளிப்படுத்தினார். இதில் சதமடிப்பார் என பெரிதும் எதிர்பார்க்கப்பட்ட கொஹ்லர் காட்மோர் 50 பந்துகளில் 7 பவுண்டரி, 6 சிக்சர்கள் என 92 ரன்களைச் சேர்த்து ஆட்டமிழந்து, 8 ரன்களில் சதமடிக்கும் வாய்ப்பை தவறவிட்டார்.

இறுதியில் 20 ஓவர்கள் முடிவில் பேஷாவர் ஸால்மி அணி 5 விக்கெட்டுகளை இழந்து 199 ரன்களைக் குவித்தது. கராச்சி கிங்ஸ் தரப்பில் மிர் ஹம்சா, ஆண்ட்ரூ டை, பென் கட்டிங், இம்ரான் தாஹிர் தலா ஒரு விக்கெட்டை கைப்பற்றினர்.

Win Big, Make Your Cricket Tales Now