பிஎஸ்எல் 2025: கராச்சி கிங்ஸ் அணியின் கேப்டனாக டேவிட் வார்னர் நியமனம்!

எதிர்வரும் பாகிஸ்தான் சூப்பர் லீக் தொடரில் கராச்சி கிங்ஸ் அணியின் கேப்டனாக ஆஸ்திரேலிய அணியின் முன்னாள் வீரர் டேவிட் வார்னர் நியமிக்கப்பட்டுள்ளார்.

பிஎஸ்எல் 2025: கராச்சி கிங்ஸ் அணியின் கேப்டனாக டேவிட் வார்னர் நியமனம்! (Image Source: Google)

பாகிஸ்தான் கிரிக்கெட் வாரியம் கடந்த 2016ஆம் ஆண்டு முதல் பாகிஸ்தான் சூப்பர் லீக் டி20 கிரிக்கெட் தொடரை நடத்தி வருகிறது. இத்தொடரில் இதுவரை 9 சீசன்கள் நடந்து முடிந்துள்ள நிலையில், 10ஆவது சீசனுக்கான வேலைகள் தொடங்கியுள்ளன. 

முன்னதாக இத்தொடரானது ஒவ்வொரு ஆண்டும் பிப்ரவரி மாதம் நடத்தப்பட்டு வரும் நிலையில், நடப்பு ஆண்டு ஐசிசி ஆடவர் சாம்பியன்ஸ் கோப்பை கிரிக்கெட் தொடர் பிப்ரவரி மாதம் பாகிஸ்தானில் நடைபெற்றதன் காரணமாக இம்முறை ஏப்ரல் மாதத்திற்கு தள்ளிவைக்கப்பட்டிருந்தது. அதன்படி பிஎஸ்எல் தொடரின் 10ஆவது சீசன் எதிர்வரும் ஏப்ரல் 11ஆம் தேதி முதல் தொடங்கும் என பாகிஸ்தான் கிரிக்கெட் வாரியம் அறிவித்துள்ளது. 

மேற்கொண்டு இத்தொடரில் பங்கேற்கு வீரர்களுக்கான ஏலமானது கடந்த ஜனவரி மாதம் 13ஆம் தேதி லாகூரில் நடைபெற்றது. இதில் ஆஸ்திரேலிய அணியின் முன்னாள் தொடக்க வீரர் டேவிட் வாரனரை சுமார் 3 லட்சம் அமெரிக்க டாலர்களுக்கு கராச்சி கிங்ஸ் அணியானது ஒப்பந்தம் செய்தது. இதன்மூலம், பாகிஸ்தான் சூப்பர் லீக் தொடர் வரலாற்றில் மிக அதிக தொகைக்கு ஏலத்தில் எடுக்கப்பட்ட வீரர் எனும் சாதனையையும் டேவிட் வார்னர் படைத்துள்ளார். 

இந்நிலையில் எதிர்வரும் பாகிஸ்தான் சூப்பர் லீக் தொடரில் கராச்சி கிங்ஸ் அணியின் கேப்டனாகவும் டேவிட் வார்னர் நியமிக்கப்பட்டுள்ளார். முன்னதாக கடந்த பிஎஸ்எல் தொடரின் போது கராச்சி கிங்ஸ் அணியின் கேப்டனாக ஷான் மசூத் செயல்பட்ட நிலையில், தற்போது அவரை நீக்கி டேவிட் வார்னருக்கு கேப்டன் பொறுப்பு வழங்கப்பட்டுள்ளது. மேலும் டேவிட் வார்னர் பங்கேற்கும் முதல் பிஎஸ்எல் தொடர் இது என்பது குறிப்பிடத்தக்கது. 

முன்னதாக நடந்து முடிந்த ஐபிஎல் வீரர்கள் மெகா ஏலத்தில் டேவிட் வார்னரின் அடிப்படை தொகையான ரூ.2 கோடிக்கு எந்த அணியும் ஏலம் எடுக்க முன்வரவில்லை. முன்னதாக கடந்த ஐபிஎல் தொடரில் டேல்லி கேப்பிட்டல்ஸ் அணியில் டேவிட் வார்னர் விளையாடி இருந்தார். ஆதேபோல் நியூசிலாந்தின் கேன் வில்லியம்சனும் ஐபிஎல் தொடரில் ஏலம் எடுக்கப்படாத நிலையில், கராச்சி கிங்ஸ் அணியில் விளையாடவுள்ளார் என்பது குறிப்பிடத்தக்கது. 

கராச்சி கிங்ஸ் அணி: டேவிட் வார்னர் (கேப்டன்), அப்பாஸ் அஃப்ரிடி, ஆடம் மில்னே, ஹசன் அலி, ஜேம்ஸ் வின்ஸ், குஷ்தில் ஷா, இர்பான் கான் நியாசி, ஷான் மசூத், அமீர் ஜமால், அராபத் மின்ஹாஸ், டிம் செய்ஃபெர்ட், ஜாஹித் மஹ்மூத், லிட்டன் தாஸ், மிர் ஹம்சா, கேன் வில்லியம்சன், மிர்சா மாமூன், இம்தியாஸ் முகமது நபி, உமைர் பின் யூசுப், ஃபவாத் அலி, ரியாசுல்லா

Win Big, Make Your Cricket Tales Now