இணையத்தில் பரவும் ரஷித் கானின் ‘நோ-லுக்’ சிக்சர்; வைரலாகும் காணொளி!
அயர்லாந்து அணிக்கு எதிரான இரண்டாவது டி20 போட்டியின் போது ஆஃப்கானிஸ்தான் கேப்டன் ரஷித் கான் அடித்த சிக்சரின் காணொளி இணையத்தில் வைரலாகி வருகிறது.
ஆஃப்கானிஸ்தான் - அயர்லாந்து அணிகளுக்கு இடையேயான டி20 தொடர் ஐக்கிய அரபு அமீரகத்தில் நடைபெற்று வருகிறது. இதில் நடைபெற்று முடிந்த முதல் டி20 போட்டியில் அயர்லாந்து அணி வெற்றிபெற்று 1-0 என்ற கணக்கில் தொடரில் முன்னிலைப் பெற்றது. இதையடுத்து இரு அணிகளுக்கும் இடையேயான இரண்டாவது டி20 போட்டி நேற்று ஷார்ஜாவில் நடைபெற்றது.
இப்போட்டியில் முதலில் பேட்டிங் செய்த ஆஃப்கானிஸ்தான் அணி முகமது நபி மற்றும் ரஷித் கான் ஆகியோரது அதிரடியான ஆட்டத்தின் மூலம் 20 ஓவர்கள் முடிவில் 9 விக்கெட்டுகளை இழந்து 152 ரன்களைச் சேர்த்தது. இதில் அதிகபட்சமாக முகமது நபி 59 ரன்களையும், ரஷித் கான் 25 ரன்களையும் சேர்த்தனர். அயர்லாந்து அணி தரப்பில் மார்க் அதிர் 3 விக்கெட்டுகளை கைப்பற்றினார்.
Trending
இதையடுத்து இலக்கை நோக்கி விளையாடிய அயர்லாந்து அணியில் ஆண்ட்ரு பால்பிர்னி 45 ரன்களையும், கரேத் டெலானி 39 ரன்களையும் சேர்த்து அணியின் வெற்றிக்காக போராடினர். ஆனாலும் மற்ற வீரர்கள் அடுத்தடுத்து சொற்ப ரன்களில் ஆட்டமிழந்ததால் 20 ஓவர்கள் முடிவில் 8 விக்கெட் இழப்பிற்கு 142 ரன்களை மட்டுமே எடுத்தது. ஆஃப்கானிஸ்தான் தரப்பில் ரஷித் கான் 4 விக்கெட்டுகளை வீழ்த்தினார்.
இதன்மூலம், ஆஃப்கானிஸ்தான் அணி 10 ரன்கள் வித்தியாசத்தில் அயர்லாந்து அணியை வீழ்த்தி வெற்றிபெற்றதுடன் 1-1 என்ற கணக்கில் தொடரை சமன்செய்துள்ளது. இப்போட்டியின் வெற்றிக்கு காரணமாக இருந்த ரஷித் கான் ஆட்டநாயகன் விருதை வென்றார். இதையடுத்து தொடரின் வெற்றியாளரைத் தீர்மானிக்கும் கடைசி டி20 போட்டி இன்று நடைபெறவுள்ளது.
We have seen that before!
— Afghanistan Cricket Board (@ACBofficials) March 17, 2024
Just @RashidKhan_19 being Rashid Khan! #AfghanAtalan | #AFGvIRE2024 pic.twitter.com/yxRqBibMQf
இந்நிலையில் அயர்லாந்து அணிக்கு எதிரான இரண்டாவது டி20 போட்டியின் போது ஆஃப்கானிஸ்தான் கேப்டன் ரஷித் கான் அடித்த சிக்சரின் காணொளி இணையத்தில் வைரலாகி வருகிறது. அதன்படி ஆட்டத்தின் 18ஆவது ஓவரின் கடைசி பந்தை எதிர்கொண்ட ரஷித் கான் நோ லுக்கிங் ஷாட் மூலம் பந்தை சிக்சருக்கு விளாசினார். இதனை கண்ட ரசிகர்கள் ஒருநிமிடம் பிரம்மிப்பில் ஆழ்ந்தனர். அக்காணொளி தான் தற்போது வைரலாகியுள்ளது.
Win Big, Make Your Cricket Tales Now
