Rashid Khan Picks Up 400 Wickets In T20 Cricket, Becomes The Fastest To Do So (Image Source: Google)
அபுதாபி மைதானத்தில் இன்று நடைபெற்ற முக்கியமான லீக் ஆட்டத்தில் ஆஃப்கானிஸ்தான் மற்றும் நியூசிலாந்து அணிகள் மோதின. இந்த போட்டியில் ஆஃப்கானிஸ்தான் அணி வெற்றி பெற்றால் இந்திய அணி அரையிறுதிக்கு முன்னேற வாய்ப்பு இருந்த நிலையில் நியூசிலாந்து அணி வெற்றி பெற்று அரையிறுதிக்கு முன்னேறியுள்ளது.
அதேவேளையில் ஆஃப்கானிஸ்தான் அணி தோல்வி அடைந்ததால் இந்திய அணியும் சூப்பர் 12-சுற்றோடு இந்த தொடரில் இருந்து வெளியேறுவது உறுதியாகியுள்ளது.
இந்நிலையில் இந்த போட்டியில் விளையாடிய ஆஃப்கானிஸ்தான் அணியை சேர்ந்த முன்னணி சுழற்பந்து வீச்சாளரான ரஷீத் கான் டி20 கிரிக்கெட் வரலாற்றில் மிகப்பெரிய ஒரு சாதனையை இளம் வயதிலேயே படைத்துள்ளார். 23 வயதாகும் ரஷித் கான் கடந்த 2015 ஆம் ஆண்டு ஆஃப்கானிஸ்தான் அணிக்காக அறிமுகமாகி இதுவரை 56 போட்டிகளில் விளையாடி 103 விக்கெட்டுகளை வீழ்த்தியுள்ளார்.
