உம்ரான் மாலிக் அற்புதமான திறமைசாலி - ரவி சாஸ்திரி புகழாரம்!
உம்ரான் மாலிக்கிற்கு இது சிறந்த வாய்ப்பு. இந்த வெளிப்பாட்டில் இருந்து அவர் கற்றுக் கொள்வார் என நம்புகிறேன் என்று முன்னாள் பயிற்சியாளர் ரவி சாஸ்திரி தெரிவித்துள்ளார்.
இந்நிலையில் அடுத்து வரும் 2024ஆம் ஆண்டிற்கான டி20 உலகக்கோப்பை கிரிக்கெட் தொடருக்கு தயாராகும் விதமாக தற்போதிலிருந்தே தயாராக திட்டமிடப்பட்டு வருகிறது. அதன் ஒருபகுதியாக அசுர வேகப்பந்து வீச்சாளர் உம்ரான் மாலிக் நியூசிலாந்துக்கு எதிரான தொடரில் சேர்க்கப்பட்டுள்ளார்.
Trending
இதனால் உம்ரான் மாலிக் மீது அனைவருடைய கவனமும் உள்ளது. நியூசிலாந்து ஆடுகளங்கள் ஏற்கனவே வேகப்பந்து வீச்சு சாதகமாக இருக்கும். இந்த நிலையில் உம்ரான் மாலிக் சிறப்பாக பந்து வீசினால் அவர் தொடர்ந்து இந்திய அணியில் இடம் பிடிக்க வாய்ப்புள்ளது. ஆகவே, அவர் எப்படி பந்து வீச்சை அனைவரும் எதிர்பார்த்துக் கொண்டிருக்கின்றன.
இந்த நிலையில் உம்ரான் மாலிக் அற்புதமான திறமைசாலி என ரவி சாஸ்திரி புகழாரம் சூட்டியுள்ளார்.உம்ரான் மாலிக் குறித்து பேசிய ரவி சாஸ்திரி “உம்ரான் மாலிக் இந்தியாவின் அதிவேக பந்து வீச்சாளர்களில் ஒருவர். உலகக் கோப்பையில் அதிவேக வேகப்பந்து வீச்சாளர்கள் எதிரணியை கலங்கடித்தார்கள் என்பதை நீங்கள் பார்த்திருப்பீர்கள்.
அதற்கு உதாரணம் ஹாரிஷ் ராவுஃப், நசீம் ஷா, அன்ரிச் நோர்ட்ஜே. ஆகவே, உண்மையாக வேகத்திற்கு மாற்று இல்லை. குறைந்த ஸ்கோர் எடுத்தாலும் கூட எதிரணியை சமாளிக்க முடியும். ஆகவே, உம்ரான் மாலிக்கிற்கு இது சிறந்த வாய்ப்பு. இந்த வெளிப்பாட்டில் இருந்து அவர் கற்றுக் கொள்வார் என நம்புகிறேன்” என்று தெரிவித்தார்.
Win Big, Make Your Cricket Tales Now
