ஐபிஎல் 2023: ஆர்சிபி பிளேயிங் லெவனை கணித்த அஸ்வின்!

நடப்பாண்டு ஐபிஎல் தொடரில் ஆர்சிபி அணியின் பிளேயிங் லெவன் எப்படி இருக்கும் என ரவிச்சந்திரன் அஸ்வின் கணித்துள்ளார்.

Ravichandran Ashwin picks his RCB playing XI for IPL 2023! (Image Source: Google)

ரவிச்சந்திரன் அஸ்வின் கிரிக்கெட் களத்தில் எப்படி பரபரப்பாக இயங்கக்கூடியவரோ அதே போல் அவர் தனக்கு வெளியில் இருக்கும் எல்லா விஷயங்களிலும் அப்டேட் ஆக இருக்கக்கூடிய ஒரு நபர். அவர் தன்னுடைய பெயரில் யூடியூப் சேனல் ஒன்றை நடத்தி வருகிறார். அதில் உலகம் முழுவதும் உள்ள கிரிக்கெட் விஷயங்களை கொண்டு வந்து ரசிகர்களுக்கு தெரியாத புதிய விஷயங்களை அறிமுகப்படுத்துவார்.

இதோடு கிரிக்கெட் தொடர்பான டெக்னிக் விஷயங்களையும் சாமானிய கிரிக்கெட் ரசிகர்களுக்கும் புரியும் விதத்தில் கொண்டு வந்து சேர்ப்பார். தனது பந்துவீச்சில் எப்படி அவர் ஒரு விஞ்ஞானியோ, அதேபோல் கிரிக்கெட் தொடர்பாக உலகமெங்கும் நடக்கும் விஷயங்களை தேடிக் கொண்டு வந்து தருவதிலும்தான்.

ஐபிஎல் 16ஆவது சீசன் மார்ச் 31ஆம் தேதி தொடங்கவுள்ள நிலையில், அதுகுறித்தான உரையாடல்கள் அதிகரித்து வருகின்றன. தற்பொழுது ரவிச்சந்திரன் அஸ்வின் ராயல் சேலஞ்சர்ஸ் பெங்களூர் அணி எந்த 11 வீரர்களுடன் விளையாடுவதற்கு அதிக வாய்ப்பு இருக்கிறது என்று தனது கருத்துக்கணிப்பை வெளியிட்டு இருக்கிறார்.

கடந்த ஐபிஎல் தொடரில் பிளே ஆப் சுற்றைத் தாண்டி குவாலிஃபையர் சுற்றில் தோற்று வெளியேறி இருந்தது பெங்களூரு அணி. இந்த ஆண்டு நடந்த ஐபிஎல் மினி ஏலத்தில் இங்கிலாந்தின் இடதுகை வேகப்பந்து வீச்சாளர் ரீஸ் டாப்லி, ஹிமான்சு சர்மா, வில் ஜேக்ஸ், மனோஜ் பண்டாஜ், ராஜன்குமார், அவினாஷ் சிங் ஆகியோரை வாங்கி இருந்தது.

இந்த மினி ஏலத்தில் ராயல் சேலஞ்சர்ஸ் பெங்களூரு அணி தனக்கு வீரர்களை வாங்கியதில் அதிகபட்சமாக இங்கிலாந்தின் அதிரடி ஆட்டக்காரர் வில் ஜேக்சை 3.2 கோடிக்கு வாங்கியது. ஆனால் இவர் எதிர்பாராத விதமாக காயமடைந்து தற்போது ஐபிஎல் தொடரிலிருந்து வெளியே, நியூசிலாந்து வீரர் பிரேஸ்வெல்லை வாங்கி இருக்கிறது.

அதன்காரணமாக நடப்பு ஐபிஎல் தொடரில் ஃபாஃப் டூ பிளெசிஸுடன் விராட் கோலி தாம் தொடக்க வீரர்காக களமிறக்குவார் என ரவிச்சந்திரன் அஸ்வின் கணீத்துள்ளார்.

அஸ்வின் தேந்தெடுத்த ஆர்சிபி பிளேயிங் லெவன்:  ஃபாஃப் டு பிளெசிஸ், விராட் கோலி, ரஜத் படிதார், கிளன் மேக்ஸ்வெல், ஷாபாஷ் அகமத், தினேஷ் கார்த்திக், மகிபால் லோம்ரர்/அனுஜ் ராவத், வனிந்து ஹசரங்கா, ஜோஸ் ஹேசில்வுட்/ரீஸ் டாப்லி, முகமது சிராஜ், ஆகாஷ் தீப்.