ஐபிஎல் 2023: புதிய சாதனையை நிகழ்த்திய விராட் கோலி!

ஐபிஎல் தொடர் வரலாற்றில் 7,000 ரன்களை கடந்த முதல் வீரர் எனும் வரலாற்றுச் சாதனையை ஆர்சிபி வீரர் விராட் கோலி படைத்துள்ளார்.

Rcb Vs Dc: Virat Kohli Becomes First Player To Score 7,000 Ipl Runs (Image Source: Google)

16ஆவது சீசன் ஐபிஎல் தொடர் இந்தியாவின் பல்வேறு நகரங்களில் நடந்து வருகிறது. இதில் இன்று டெல்லி கேப்பிட்டல்ஸ்- பெங்களூரு ராயல் சேலஞ்சர்ஸ் பெங்களூர் அணிகள் பலப்பரீட்சை நடத்தி வருகிறது.

இந்த போட்டியில் டாஸ் வென்ற பெங்களூரு அணி முதலில் பேட்டிங் செய்வதாக அறிவித்தது. அதன்படி முதலில் பேட்டிங் செய்த அந்த அணியில் சிறப்பாக விளையாடிய விராட் கோலி 55 ரன்கள் எடுத்தார்.

அத்துடன் ஐபில் வரலாற்றில் அதிக 7 ஆயிரம் ரன்களை கடந்த முதல் வீரர் என்ற சாதனையை படைத்துள்ளார். இதுவரை 233 ஐபிஎல் போட்டிகளில் விளையாடியுள்ள விராட் கோலி, 46 அரைசதங்களுடன் மொத்தம் 7,036 ரன்கள் எடுத்துள்ளார்.

இந்த வரிசையில் 6,536 ரன்களுடன் ஷிகர் தவன் 2ஆம் இடத்திலும், 6,189 ரன்களுடன் டேவிட் வார்னர் 3ஆவது இடத்திலும், 6,063 ரன்களுடன் ரோகித் சர்மா 4ஆவது இடத்திலும், 5,528 ரன்களுடன் சுரேஷ் ரெய்னா 5ஆவது இடத்திலும் உள்ளனர்.