ஐசிசி டெஸ்ட் தரவரிசை: சாதனை படைத்த ரிஷப் பந்த்!

ஐசிசி டெஸ்ட் தரவரிசையில் முதல் 10 இடங்களுக்குள் நுழைந்த முதல் இந்திய விக்கெட் கீப்பர் என்கிற பெருமையை ரிஷப் பந்த் பெற்றுள்ளார்.

ஆஸ்திரேலியா, இங்கிலாந்துக்கு எதிரான கிரிக்கெட் தொடா்களில் இக்கட்டான நேரங்களில் சிறப்பாக ஆடி ரன் குவித்து இந்திய அணியை காப்பாற்றினாா் இளம் விக்கெட் கீப்பரான ரிஷப் பந்த். 

இதன்மூலம் இந்திய அணியின் மிடில் ஆா்டரில் தவிா்க்க முடியாத ஒரு வீரராக ரிஷப் பந்த் உருவெடுத்துள்ளாா். இந்நிலையில் இன்று வெளியிடப்பட்டுள்ள ஐசிசி டெஸ்ட் தரவரிசையில் 6ஆம் இடத்துக்கு முன்னேறியுள்ளார் பந்த். 

இந்த தரவரிசையில் நியூசிலாந்து அணி கேப்டன் கேன் வில்லியம்சன் முதல் இடத்தில் உள்ளார். இந்திய அணி கேப்டன் விராட் கோலி 5ஆம் இடத்தைத் தக்கவைத்துக்கொண்டுள்ள நிலையில், ரிஷப் பந்த் 6ஆம் இடத்தைப் பிடித்து சாதனை செய்துள்ளார். 

டெஸ்ட் தரவரிசையில் முதல் 10 இடங்களுக்குள் நுழைந்த முதல் இந்திய விக்கெட் கீப்பர் என்கிற பெருமை ரிஷப் பந்த்திற்கு கிடைத்துள்ளது. இப்பட்டியளில் இந்தியாவின் ரோஹித் சர்மாவும் 6ஆம் இடத்தில் உள்ள மூன்று வீரர்களில் ஒருவராக உள்ளார். 6ஆம் இடத்தில் உள்ள மற்றொரு வீரர், நியூசிலாந்தின் ஹென்றி நிகோல்ஸ். 

Win Big, Make Your Cricket Tales Now