ஐபிஎல் 2024: ராஜஸ்தான் ராயல்ஸ் vs மும்பை இந்தியன்ஸ் - உத்தேச லெவன்!

ராஜஸ்தான் ராயல்ஸ் மற்றும் மும்பை இந்தியன்ஸ் அணிகள் இன்று பலப்பரீட்சை நடத்தும் நிலையில் இரு அணிகளின் கணிக்கப்பட்ட பிளேயிங் லெவன் குறித்து இப்பதிவில் பார்ப்போம்.

ஐபிஎல் 2024: ராஜஸ்தான் ராயல்ஸ் vs மும்பை இந்தியன்ஸ் - உத்தேச லெவன்! (Image Source: Google)

இந்தியாவில் நடைபெற்றுவரும் ஐபிஎல் தொடரின் 17ஆவது சீசன் தற்போது இரண்டாம் கட்டத்தை எட்டியுள்ளது. இதில் இன்று நடைபெறும் 38ஆவது லீக் ஆட்டத்தில் சஞ்சு சாம்சன் தலைமையிலான ராஜஸ்தான் ராயல்ஸ் அணியை எதிர்த்து, ஹர்திக் பாண்டியா தலைமையிலான மும்பை இந்தியன்ஸ் அணி விளையாடவுள்ளது. இத்தொடரில் ஏற்கெனவே இரு அணிகளும் மோதிய போட்டியில் ராஜஸ்தான் ராயல்ஸ் அணி மும்பை இந்தியன்ஸை வீழ்த்தி வெற்றிபெற்றது. இதனால் முந்தைய தோல்விக்கு பதிலடி கொடுக்கும் வகையில் மும்பை இந்தியன்ஸ் அணி இப்போட்டியை எதிர்கொள்கிறது. இந்நிலையில் இன்றைய போட்டியில் விளையாடும் இரு அணிகளின் கணிக்கப்பட்ட பிளேயிங் லெவன் குறித்து இப்பதிவில் பார்ப்போம்.

ராஜஸ்தான் ராயல்ஸ்

சஞ்சு சாம்சன் தலைமையில் நடப்புத் தொடரில் மிகச்சிறப்பாக விளையாடி வரும் ராஜஸ்தான் ராயல்ஸ் அணி,  இதுவரை விளையாடிய 7 போட்டிகளில் 6 வெற்றிகளையும், ஒரு தோல்வி என 12 புள்ளிகளுடன் புள்ளிப்பட்டியலில் முதலிடம் வகித்து வருகிறது. ராஜஸ்தான் அணி, பேட்டிங், பந்து வீச்சு, ஃபீல்டிங் என அனைத்திலும் அசத்தி வருகிறது. அணியின் பேட்டிங்கில் சஞ்சு சாம்சன், ரியான் பராக், ஜோஸ் பட்லர், ஷிம்ரான் ஹெட்மெயர், யஷஸ்வி ஜெய்ஸ்வால், ரோவ்மன் பாவெல் என பேட்ஸ்மேன்கள் அணிக்கு வலு சேர்க்கின்றனர்.

மறுபக்கம் பந்துவீச்சை எடுத்துக்கொண்டால் டிரெண்ட் போல்ட, யுஸ்வேந்திர சஹால் ஆகியோர் தேவைப்படும் நேரங்களில் விக்கெட்டுகளை கைப்பற்றி அணிக்கு கைகொடுக்கின்றனர். அவர்களுடன் ரவிச்சந்திர அஸ்வின், ஆவேஷ் கான், குல்தீப் சென் போன்ற வீரர்களும் சிறப்பான ஆட்டத்தை வெளிப்படுத்தி வருகின்றனர். மேலும் காயம் காரணமாக சில போட்டிகளை தவறவிட்டுள்ள சந்தீப் சர்மா, நந்த்ரே பர்கர் ஆகியோரும் காயத்திலிருந்து மீண்டுள்ளது அணிக்கு பெரும் பலத்தை கூட்டியுள்ளது. 

ராஜஸ்தான் ராயல்ஸ் உத்தேச லெவன்:  யஷஸ்வி ஜெய்ஸ்வால், ஜோஸ் பட்லர், சஞ்சு சாம்சன் (கேப்டன்), ரியான் பராக், துருவ் ஜூரல், ஷிம்ரான் ஹெட்மையர், ரவிச்சந்திரன் அஸ்வின், டிரெண்ட் போல்ட், அவேஷ் கான், யுஸ்வேந்திர சாஹல், குல்தீப் சென்.

மும்பை இந்தியன்ஸ்

ஹர்திக் பாண்டியா தலைமையில் நடப்பு ஐபிஎல் சீசனை எதிர்கொண்டுள்ள மும்பை இந்தியன்ஸ் அணியானது இதுவரை விளையாடியுள்ள 7 போட்டிகளொ;  3 போட்டிகளில் மட்டும் வெற்றி பெற்று 6 புள்ளிகளுடன் புள்ளிப்பட்டியலில் 7ஆம் இடத்தில் உள்ளது. அணியின் பேட்டிங்கில் ரோஹித் சர்மா, இஷான் கிஷான், சூர்யகுமார் யாதவ், திலக் வர்மா போன்ற வீரர்க்ள் சிறப்பான ஃபார்மில் உள்ளனர். அவர்களுடன் ஹர்திக் பாண்டியா, டிம் டேவிட், ரொமாரியோ செஃபெர்ட், முகமது நபி ஆகியோரும் உள்ளது பலமாக பார்க்கப்படுகிறது. 

அணியின் பந்துவீச்சு யுனிட்டை ஜஸ்ப்ரித் பும்ரா வழிநடத்தி வருகிறார். அவருடன் ஜெரால்ட் கோட்ஸி, ஆகாஷ் மத்வால், ரொமாரியோ செஃபெர்ட், ஹர்திக் பாண்டியா ஆகியோருடன் முகமது நபியும் ஒருசில ஓவர்களை வீசி வருவது அணிக்கு சாதகமாக பார்க்கப்படுகிறது. இதில் பும்ரா ஒருபக்கம் ரன்களை கட்டுப்படுத்தினாலும், மறுபக்கம் பந்துவீச்சாளர்கள் ரன்களை வரி வழங்கி வருவதால் அது சற்று பின்னடைவை ஏற்படுத்தும் என எதிர்பார்க்கப்படுகிறது. 

மும்பை இந்தியன்ஸ் உத்தேச லெவன்: இஷான் கிஷன், ரோஹித் சர்மா, சூர்யகுமார் யாதவ், திலக் வர்மா, ஹர்திக் பாண்டியா (கேப்டன்), டிம் டேவிட், ரொமாரியோ ஷெப்ஃபர்ட், முகமது நபி, ஜெரால்ட் கோட்ஸி, ஜஸ்பிரித் பும்ரா, ஆகாஷ் மத்வால்..

Win Big, Make Your Cricket Tales Now