SA vs WI, 1st T20I: மில்லர் காட்டடி; விண்டிஸுக்கு 132 டார்கெட்!

வெஸ்ட் இண்டீஸுக்கு எதிரான முதலாவது டி20 போட்டியில் தென் ஆப்பிரிக்க அணி 132 ரன்களை இலக்காக நிர்ணயித்துள்ளது.

SA vs WI: South Africa to post a defendable total on board in the first T20I! (Image Source: Google)

தென் ஆப்பிரிக்காவில் சுற்றுப்பயணம் செய்துவரும் வெஸ்ட் இண்டீஸ் அணி தற்போது 3 போட்டிகள் கொண்ட டி20 தொடரில் விளையாடி வருகிறது. இதில் இரு அணிகளுக்கும் இடையேயான முதலாவது டி20 போட்டி இன்று செஞ்சூரியனில் நடைபெற்றது. 

இப்போட்டி இந்திய நேரப்படி மாலை 5.30 மணிக்கு தொடங்க இருந்த நிலையில் மழை குறுக்கிட்டத்தன் காரணமாக போட்டி தொடங்குவது தாமதமானது. அதன்பின் இப்போட்டி 11 ஓவர்களாக குறைக்கப்பட்டு தொடங்கியது. இதில் டாஸ் வென்ற வெஸ்ட் இண்டீஸ் அணி முதலில் பந்துவீச தீர்மானித்தது. 

அதன்படி களமிறங்கிய தென் ஆப்பிரிக்க அணியின் தொடக்க வீரர் குயின்டன் டி காக் முதல் பந்திலேயே ஆட்டமிழந்து வெளியேறினார். இதையடுத்து ரீஸா ஹெண்ட்ரிக்ஸ் 21 ரன்களிலும், ரைலி ரூஸோவ் 10 ரன்களிலும், கேப்டன் ஐடன் மார்க்ரம் 14 ரன்களிலும், ஹென்ரிச் கிளாசென் ஒரு ரன்னிலும், என அடுத்தடுத்து விக்கெட்டுகளை இழந்தனர். 

இருப்பினும் 5ஆவது விக்கெட்டுக்கு களமிறங்கிய டேவிட் மில்லை விக்கெட் இழப்பை பற்றி கவலையில்லாமல் அதிரடியாக விளையாடி 22 பந்துகளில் 3 சிக்சர், 4 பவுண்டரிகள் என 48 ரன்களைச் சேர்த்து ஆட்டமிழந்து, அரைசதம் அடிக்கும் வாய்ப்பை தவறவிட்டார். இறுதியில் சிசாண்டா மகாலா இரண்டு சிக்சர், ஒரு பவுண்டரியை விளாசி இன்னிங்ஸை முடித்து வைத்தார். 

இதன்மூலம் 11 ஓவர்கள் முடிவில் தென் ஆப்பிரிக்க அணி 8 விக்கெட்டுகளை இழந்து 131 ரன்களை குவித்தது. வெஸ்ட் இண்டீஸ் தரப்பில் ஷெல்டன் காட்ரெல், ஓடியன் ஸ்மித் தலா 2 விக்கெட்டுகளைக் வீழ்த்தினர். 

Win Big, Make Your Cricket Tales Now