ஒரு ஓவரில் 39 ரன்கள்; சர்வதேச வரலாற்றில் சமோவா வீரர் புதிய சாதனை!

சர்வதேச டி20 கிரிக்கெட்டில் ஒரு ஓவரில் 39 ரன்களைச் சேர்த்த சமோவா அணியின் டேரியஸ் விஸர் வரலாற்று சாதனையை நிகழ்த்தியுள்ளார்.

ஒரு ஓவரில் 39 ரன்கள்; சர்வதேச வரலாற்றில் சமோவா வீரர் புதிய சாதனை! (Image Source: Google)

ஐசிசி டி20 உலகக் கோப்பை துணைப் பிராந்திய கிழக்கு ஆசிய பசிபிக் தகுதிச் சுற்றில் நேற்று நடைபெற்ற டி20 ஆட்டத்தில் சமோவா மற்றும் வனுவாடு அணிகள் பலப்பரீட்சை நடத்தின. இப்போட்டியில் முதலில் பேட்டிங் செய்த சமோவா அணி தொடக்கத்தில் விக்கெட்டுகளை இழந்து தடுமாறினாலும், நான்காவது விக்கெட்டிற்கு களமிறங்கிய டேரியஸ் விஸர் யாரும் எதிர்பாராத வகையில் அதிரடியான ஆட்டத்தை வெளிப்படுத்தி அசத்தினார்.

அதிலும் குறிப்பாக இன்னிங்ஸின் 15ஆவது ஓவரை வீசிய நலின் நிபிகோ பந்துவீச்சில் அடுத்தடுத்து 6 சிக்ஸர்களை பறக்கவிட்டு மிரட்டினார். மேலும் அந்த ஓவரில் மூன்று நோபால்களும் அடங்கும். இதன்மூலம் அந்த ஒரே ஓவரில் டேரியஸ் விஸர் 39 ரன்களைச் சேர்த்து புதிய வரலாறும் படைத்தார். இதன்மூலம் தனது சதத்தையும் பதிவுசெய்த டேரியஸ் விஸர் 62 பந்துகளில் 14 சிக்ஸர்கள் 5 பவுண்டர்கள் என 132 ரன்களை குவித்தார். 

இதன்மூலம் சமோவா அணியானது 20 ஓவர்கள் முடிவில் அனைத்து விக்கெட்டுகளையும் இழந்து 174 ரன்களைக் குவித்தது. இதனையடுத்து இலக்கை நோக்கி விளையாடிய வனுவாடு அணியில் நலில் நிபிகோ அதிரடியான ஆட்டத்தை வெளிப்படுத்தி அரைசதம் கடந்ததுடன் 6 பவுண்டரி, 3 சிக்ஸர்கள் என 73 ரன்களையும், ஜோஷுவா ராஸு 23 ரன்களையும், டிம் கட்லர் 21 ரன்களையும் சேர்த்ததை தவிர்த்து மற்ற வீரர்கள் அனைவரும் சொற்ப ரன்களுக்கு விக்கெட்டை இழந்தனர். 

இதனால் அந்த அணி 20 ஓவர்கள் முடிவில் 9 விக்கெட்டுகளை இழந்து 164 ரன்களை மட்டுமே சேர்த்தது. இதன்மூலம் சமோவா அணியானது 10 ரன்கள் வித்தியாசத்தில் வனுவாடு அணியை வீழ்த்தி வெற்றிபெற்று அசத்தியது. இப்போட்டியில் அதிரடியாக விளையாடி சதமடித்து அசத்திய டேரியஸ் விஸர் ஆட்டநாயகனாகத் தேர்வு செய்யப்பட்டார். மேற்கொண்டு இப்போட்டியில் சதமடித்ததன் மூலம் அவர் சில சாதனைகளையும் படைத்து அசத்தியுள்ளார். 

 

MOST RUNS IN AN OVER IN MEN’S T20IS

39 — Darius Visser (Samoa) vs VAN, 2024
36 — Yuvraj Singh (India) vs ENG, 2007
36 — Kieron Pollard (WI) vs SL, 2021
36 — Rohit Sharma/Rinku Singh (India) vs AFG, 2024
36 — D Singh Airee (NEP) vs QAT, 2024
36 — Nicholas Pooran (WI) vs AFG, 2024

— saurabh sharma (@cntact2saurabh) August 20, 2024

அதன்படி இப்போட்டியில் சமோவா வீரர் டேரியஸ் விஸர் ஒரே ஓவரில் 39 ரன்களை எடுத்ததன் மூலம், சர்வதேச டி20 கிரிக்கெட் வரலாற்றில் ஒரே ஓவரில் அதிக ரன்களைச் சேர்த்த வீரர் எனும் யுவராஜ் சிங், கீரன் பொல்லார்ட், நிக்கோலஸ் பூரன், தீபேந்திர சிங் ஐரி ஆகியோரது சாதனைகளை முறியடித்துள்ளார். இவர்கள் அனைவரும் சர்வதேச டி20 கிரிக்கெட்டில் ஒரே ஓவரில் 36 ரன்களை எடுத்துள்ளது குறிப்பிடத்தக்கது. 

இவர்களது வரிசையில் இந்திய வீரர்கள் ரோஹித் சர்மா மற்றும் ரிங்கு சிங் ஆகியோர் இணைந்து ஒரு ஓவரில் ஜோடியால் 36 ரன்களைச் சேர்த்து இந்த சாதனை நிகழ்த்தப்பட்டது. மேற்கொண்டு இப்போட்டியில் சதமடித்ததன் மூலம், சர்வதேச கிரிக்கெட்டில் சமோவாவில் இருந்து சதம் அடித்த முதல் வீரர் என்ற பெருமையை டேரியஸ் விஸர் பெற்றுள்ளார் என்பதும் குறிப்பிடத்தக்கது. 

Win Big, Make Your Cricket Tales Now