SOC vs NED: மேக்ஸ் ஓடவுட் அதிரடியில் ஸ்காட்லாந்தை பந்தாடியது நெதர்லாந்து!

ஸ்காட்லாந்து அணிக்கெதிரான முதல் ஒருநாள் போட்டியில் நெதர்லாந்து அணி 15 ரன்கள் வித்தியாசத்தில் வெற்றிபெற்றது.

ஸ்காட்லாந்து கிரிக்கெட் அணி இரண்டு ஒருநாள் போட்டிகள் கொண்ட தொடரில் விளையாடுவதற்காக நெதர்லாந்தில் சுற்றுப்பயணம் மேற்கொண்டுள்ளது. 

இதில் நேற்று நடைபெற்ற முதல் ஒருநாள் போட்டியில் டாஸ் வென்ற நெதர்லாந்து அணி முதலில் பேட்டிங் செய்யத் தீர்மானித்து விளையாடியது. 

அதன்படி களமிறங்கிய நெதர்லாந்து அணியின் மேக்ஸ் ஓடவுட் அதிரடியாக விளையாடி அரைசதம் அடித்தார். தொடர்ந்து சிறப்பாக விளையாடி வந்த ஓடவுட் 84 ரன்களில் ஆட்டமிழக்க, பின்னர் வந்த வீரர்களும் சொற்ப ரன்களில் வெளியேறி ஏமாற்றமளித்தனர்.

இதனால் 33 ஓவர்களில் நெதர்லாந்து அணி 8 விக்கெட் இழப்பிற்கு 164 ரன்களை சேர்த்த நிலையில் மலை குறுக்கிட்டதால், ஆட்டம் சிறிது நேரம் ஒத்திவைக்கப்பட்டது. தொடர்ந்து மழை நீடித்ததால், டக்வொர்த் லூயிஸ் முறைப்படி ஸ்காட்லாந்து அணிக்கு  33 ஓவர்களில் 164 ரன்கள் இலக்காக நிர்ணயிக்கப்பட்டது.

அதன்பின் வெற்றி இலக்கை நோக்கி களமிறங்கிய ஸ்காட்லாந்து அணி வீரர்கள் எதிரணி பந்து வீச்சை சமாளிக்க முடியாமல் அடுத்தடுத்து விக்கெட்டுகளை இழந்து பெவிலியன் திரும்பினர். இதனால் 34 ஓவர்கள் முடிவில் அந்த அணியால் 149 ரன்களை மட்டுமே எடுக்க முடிந்தது. 

இதன்மூலம் நெதர்லாந்து அணி 15 ரன்கள் வித்தியாசத்தில் வெற்றிபெற்று அசத்தியது. மேலும் 2019ஆம் ஆண்டிற்கு பிறகு நெதர்லாந்து அணி பெரும் முதல் ஒருநாள் வெற்றி இது என்பது குறிப்பிடத்தக்கது