இமாலய சிக்ஸரை பறக்கவிட்டு ரசிகர்களை மிரளவைத்த ஷாஹீம் அஃப்ரிடி - காணொளி!
நியூசிலாந்து அணிக்கு எதிரான இரண்டாவது டி20 போட்டியின் போது பாகிஸ்தான் வீரர் ஷாஹீன் அஃப்ரிடி விளாசிய இமாலய சிக்ஸர் குறித்த காணொளி வைரலாகி வருகிறது.
இதனையடுத்து 136 ரன்கள் அடித்தால் வெற்றி என்ற இலக்கை நோக்கி களமிறங்கிய நியூசிலாந்து அணிக்கு டிம் செஃபெர்ட் - ஃபின் ஆலன் இணை அதிரடியான தொடக்கத்தைக் கொடுத்து அடித்தளம் அமைத்துக் கொடுத்தனர். இதில் அபார ஆட்டத்தை வெளிப்படுத்திய டிம் செஃபெர்ட் 3 பவுண்டரி, 5 சிக்ஸர்களுடன் 45 ரன்களையும், ஃபின் ஆலான் ஒரு பவுண்டரி, 5 சிக்ஸர்களுடன் 38 ரன்களையும் சேர்த்து விக்கெட்டை இழந்தனர்.
இறுதியில் மிட்செல் ஹெய் 21 ரன்களைச் சேர்க்க, நியூசிலாந்து அணி 13.1 ஓவர்களிலேயே இலக்கை எட்டியதுடன் 5 விக்கெட் வித்தியாசத்தில் பாகிஸ்தான் அணியை வீழ்த்தி அபார வெற்றியைப் பதிவுசெய்து அசத்தியது. இந்த வெற்றியின் மூலம் நியூசிலாந்து அணி இந்த டி20 தொடரில் 2-0 என்ற கணக்கில் தொடரில் முன்னிலைப் பெற்றுள்ளது. இப்போட்டியில் அதிரடியாக விளையாடிய டிம் செஃபெர்ட் ஆட்டநாயகன் விருதை வென்றார்.
இப்போட்டியில் பாகிஸ்தான் அணி தோல்வியைத் தழுவிய நிலையிலும், அந்த அணியின் நட்சத்திர வீரர் ஷாஹீன் அஃப்ரிடி விளாசிய இமாலய சிக்ஸர் ஒன்று ரசிகர்களின் கவனத்தை ஈர்த்துள்ளது. அதன்படி, பாகின்ஸ்தான் இன்னிங்ஸின் கடைசி ஓவரை ஜேம்ஸ் நீஷம் வீசிய நிலையில், அந்த ஓவரின் மூன்றாவது பந்தை ஆஃப் ஸ்டம்பிற்கு வெளியே வீசிய நிலையில், அதனை எதிர்கொண்ட ஷாஹீன் அஃப்ரிடி லாங் ஆன் திசையை நோக்கி அடித்தார்.
— (@kuchnahi1269083) March 18, 2025Also Read: Funding To Save Test Cricketமேலும் அவரது ஷாட்டில் உள்ள இணைப்பு மிகவும் சரியானதாக இருந்ததால் பந்து 95 மீட்டர் தொலைவில் சென்று விழுந்தது. இதனைக்கண்ட ரசிகர்கள் அனைவரும் ஒரு கணம் ஆச்சரியத்தில் உறைந்தனர். மேற்கொண்டு இப்போட்டியில் அதிரடியாக விளையாடிய ஷாஹீன் 2 பவுண்டரி, ஒரு சிக்ஸர் என 22 ரன்களைச் சேர்த்து அணிக்கு ஃபினிஷிங்கை கொடுத்தார். இந்நிலையில் ஷாஹீன் அஃப்ரிடி விளாசிய இமாலய சிக்ஸர் குறித்த காணொளியானது இணையத்தில் வைரலாகி வருகிறது.
Advertisement
Win Big, Make Your Cricket Tales Now
கிரிக்கெட்: Tamil Cricket News
