WI vs AUS: வெஸ்ட் இண்டீஸ் டெஸ்ட் அணி அறிவிப்பு; ஷாய் ஹோப், பிராண்டன் கிங் ஆகியோருக்கு இடம்!
ஆஸ்திரேலியாவுக்கு எதிரான மூன்று போட்டிகள் கொண்ட டெஸ்ட் தொடரில் விளையாடும் வெஸ்ட் இண்டீஸ் அணி இன்று அறிவிக்கப்பட்டுள்ளது.
ஐசிசி உலக டெஸ்ட் சாம்பியன்ஷிப் தொடரின் 2023-25ஆம் ஆண்டு சுழற்ச்சிகான இறுதிப்போட்டிக்கு தென் ஆப்பிரிக்கா மற்றும் ஆஸ்திரேலிய அணிகள் முன்னேறியுள்ளன. இவ்விரு அணிகளுக்கு இடையேயான இந்த இறுதிப்போட்டி இன்று (ஜூன் 11) லார்ட்ஸ் கிரிக்கெட் மைதானத்தில் நடைபெறவுள்ளது. இத்தொடரை முடித்த கையோடு ஆஸ்திரேலிய அணியானது வெஸ்ட் இண்டீஸில் சுற்றுப்பயணம் செய்து 3 போட்டிகள் கொண்ட டெஸ்ட் தொடரில் விளையாடவுள்ளது.
இவ்விரு அணிகளுக்கும் இடையேயான இந்த தொடரானது ஜூன் 25ஆம் தேதி முதல் நடைபெற இருக்கும் நிலையில், இத்தொடருக்கான ஆஸ்திரேலிய அணி சமீபத்தில் அறிவிக்கப்பட்டிருந்தது. இந்த நிலையில் ஆஸ்திரேலிய டெஸ்ட் தொடருக்கான வெஸ்ட் இண்டீஸ் அணியும் இன்று அறிவிக்கப்பட்டுள்ளது. இத்தொடருக்கான வெஸ்ட் இண்டீஸ் டெஸ்ட் அணியின் புதிய கேப்டனாக ரோஸ்டன் சேஸும், துணைக்கேப்டனாக ஜோமன் வாரிக்கனும் நியமிக்கப்பட்டுள்ளனர்.
இதுதவிர்த்து வெஸ்ட் இண்டீஸ் ஒருநாள் & டி20 அணியின் கேப்டன் ஷாய் ஹோப் மீண்டும் டெஸ்ட் அணியில் சேர்க்கப்பட்டுள்ளார். முன்னதாக ஷாய் ஹோப் கடந்த 2021ஆம் ஆண்டு டெஸ்ட் போட்டியில் விளையாடிய நிலையில், தற்சமயம் 4 ஆண்டுகளுக்கு பிறகும் மீண்டும் அணியில் வாய்ப்பு பெற்றுள்ளார். அவருடன் மற்றொரு டாப் ஆர்டர் பேட்டரான ஜான் காம்பெல்லும் அணியில் இணைந்துள்ளார். இவர் தனது கடைசி டெஸ்ட் போட்டியை 2022ஆம் ஆண்டு விளையாடியது குறிப்பிடத்த்க்கது.
மேற்கொண்டு வெஸ்ட் இண்டீஸ் ஒருநாள் அணியின் துணைக்கேப்டன் பிராண்டன் கிங் மற்றும் உள்ளூர் போட்டிகளில் சிறப்பாக செய்லப்ட்ட கெவ்லான் ஆண்டர்சன் ஆகியொர் அறிமுக வீரர்களாக இந்த அணியில் சேர்க்கப்பட்டுள்ளனர். இருப்பினும் அணியின் நட்சத்திர வேகப்பந்து வீச்சாளர் கீமார் ரோவ் மற்றும் நட்சத்திர ஆல் ரவுண்டர் ஜேசன் ஹோல்டர் ஆகியோர் மோசமான ஃபார்ம் காரணமாக டெஸ்ட் அணியில் இருந்து நீக்கப்பட்டுள்ளது குறிப்பிடத்தக்கது.
வெஸ்ட் இண்டீஸ் டெஸ்ட் அணி: ரோஸ்டன் சேஸ் (கேப்டன்), ஜோமல் வாரிக்கன், கெவ்லான் ஆண்டர்சன், கிரெய்க் பிராத்வைட், ஜான் கேம்பல், கேசி கார்டி, ஜஸ்டின் கிரீவ்ஸ், ஷாய் ஹோப், டெவின் இம்லாச், அல்சாரி ஜோசப், ஷமர் ஜோசப், பிராண்டன் கிங், ஜோஹன் லேன், மிகைல் லூயிஸ், ஆண்டர்சன் பிலிப், ஜெய்டன் சீல்ஸ்.
Also Read: LIVE Cricket Score
ஆஸ்திரேலிய டெஸ்ட் அணி: பேட் கம்மின்ஸ் (கேப்டன்), ஸ்காட் போலண்ட், அலெக்ஸ் கேரி, கேமரூன் கிரீன், ஜோஷ் ஹேசில்வுட், டிராவிஸ் ஹெட், ஜோஷ் இங்கிலிஸ், உஸ்மான் கவாஜா, சாம் கோன்ஸ்டாஸ், மேட் குஹ்னெமன், மார்னஸ் லாபுசாக்னே, நாதன் லியோன், ஸ்டீவ் ஸ்மித் (துணை கேப்டன்), மிட்செல் ஸ்டார்க், பியூ வெப்ஸ்டர்.
Win Big, Make Your Cricket Tales Now
