நாம் மேம்படுத்தக்கூடிய நிறைய விஷயங்கள் உள்ளன - ஷான் மசூத்!
உலகின் சிறந்த அணிகளில் ஒன்றாக நாம் இருக்க விரும்பினால், நாம் மேம்படுத்தக்கூடிய நிறைய விஷயங்கள் உள்ளன என பாகிஸ்தான் கேப்டன் ஷான் மசூத் தெரிவித்துள்ளார்.
பாகிஸ்தான் மற்றும் வெஸ்ட் இண்டீஸ் அணிகளுக்கு இடையேயான முதல் டெஸ்ட் போட்டி முல்தான் கிரிக்கெட் மைதானத்தில் நடைபெற்று முடிந்தது. இந்த போட்டியில் பாகிஸ்தான் அணியானது 127 ரன்கள் வித்தியாசத்தில் வீழ்த்தி வெஸ்ட் இண்டீஸை வீழ்த்தி அபார வெற்றியைப் பெற்றது. இந்த வெற்றியின் மூலம் 2 போட்டிகள் கொண்ட டெஸ்ட் தொடரில் பாகிஸ்தான் அணியில் 1-0 என்ற கணக்கில் முன்னிலை பெற்றுள்ளது.
இப்போட்டியில் டாஸ் வென்று முதலில் பேட்டிங் செய்த பாகிஸ்தான் அணி முதல் இன்னிங்ஸில் 230 ரன்களைச் சேர்த்து ஆல் அவுட்டான நிலையில், வெஸ்ட் இண்டீஸ் அணி 137 ரன்களுக்கே அனைத்து விக்கெட்டுகளையும் இழந்தது. பின்னர் 93 ரன்கள் முன்னிலையுடன் இரண்டாவது இன்னிங்ஸைத் தொடர்ந்த பாகிஸ்தான் அணி வீரர்கள் அடுத்தடுத்து விக்கெட்டுகளை இழக்க 157 ரன்களை மட்டுமே சேர்த்த நிலையில் ஆல் அவுட்டானது.
Trending
இதனையடுத்து 251 ரன்கள் என்ற இலக்கானது நிர்ணயிக்கப்பட்டது. பின்னர் இலக்கை நோக்கி விளையாடிய வெஸ்ட் இண்டீஸ் அணி பேட்டர்கள் மீண்டும் சொதப்பியதன் காரணமாக அந்த அணி 123 ரன்களில் ஆல் அவுட்டானது. இதன்மூலம் பாகிஸ்தான் அணி 127 ரன்கள் வித்தியாசத்தில் விண்டீஸை வீழ்த்தி வெற்றிபெற்றது. இப்போட்டியில் சிறப்பான பந்துவீச்சை வெளிப்படுத்திய சஜித் கான் ஆட்டநாயகன் விருதை வென்றார்.
இந்நிலையில் இந்த வெற்றி குறித்து பேசிய பாகிஸ்தான் அணி கேப்டன் ஷான் மசூத், “இதுபோன்ற பிட்சுகளில் நாங்கள் 20 விக்கெட்டுகளை வீழ்த்தி நல்ல செயல்திறனை வெளிப்படுத்த முடிந்தால் நிச்சயம் மகிழ்ச்சியாக இருப்போம். இந்த பிட்ச்சில் சுழற்பந்துவீச்சாளர்களுக்கு சாதகம் இருக்கும் என்பதால் நாங்கள் சஜித் மற்றும் நோமனுடன் சேர்த்து அப்ரார் அஹ்மதையும் பிளேயிங் லெவனில் சேர்த்தோம். நாங்கள் எதிர்பார்த்ததைப் போலவே இந்த வெற்றிக்கு அது எங்களுக்கு உதவியாக இருந்தது.
Also Read: Funding To Save Test Cricket
மேலும் முதல் இன்னிங்ஸில் நாங்கள் அடுத்தடுத்து விக்கெட்டுகளை இழந்து தடுமாறிய சமயத்தில் முகமது ரிஸ்வான் மற்றும் சௌத் ஷகீல் ஆகியோர் சிறப்பாக செயல்பட்டு அணியை சரிவிலிருந்து மீட்டனர். உலகின் சிறந்த அணிகளில் ஒன்றாக நாம் இருக்க விரும்பினால், நாம் மேம்படுத்தக்கூடிய நிறைய விஷயங்கள் உள்ளன. இப்படி நீங்கள் வெற்றிபெறும் போது நீங்கள் அதில் திருப்தி அடைவது எளிது. ஆனால் நீங்கள் ஒருபோதும் திருப்தி அடைய மாட்டீர்கள்” என்று தெரிவித்துள்ளார்.
Win Big, Make Your Cricket Tales Now
