விராட் கோலியை சீண்ட வேண்டாம்; ஆஸி வீர்ர்களுக்கு வாட்சன் எச்சரிக்கை!

விராட் கோலியை சீண்ட வேண்டாம்; ஆஸி வீர்ர்களுக்கு வாட்சன் எச்சரிக்கை! (Image Source: Google)

இந்திய அணி தற்சமயம் ஆஸ்திரேலியாவில் சுற்றுப்பயணம் செய்து 5 போட்டிகளை கொண்ட பார்டர் கவாஸ்கர் கோப்பை தொடரில் விளையாடவுள்ளது. இதில் இரு அணிகளுக்கும் இடையேயான முதல் டெஸ்ட் போட்டியானது பெர்த்தில் உள்ள ஆப்டஸ் கிரிக்கெட் மைதானத்தில் எதிவரும் நவம்பர் 22ஆம் தேதி நடைபெறவுள்ளது. இப்போட்டிக்காக இரு அணி வீரர்களும் தீவிரமாக தயாராகி வருகின்றனர். 

இந்நிலையில் இத்தொடருக்கான இந்திய அணியின் கேப்டனாக நியமிக்காப்பட்ட ரோஹித் சர்மா தனது இரண்டாவது குழந்தை பிறப்பு காரணமாக இந்திய அணியுடன் ஆஸ்திரேலிய சுற்றுப்பயணத்திற்கு செல்லவில்லை. மேலும் அவர் இன்னும் சில தினங்கள் தாது மனைவி மற்றும் குடும்பத்தினருடன் நேரம் செலவிட முடிவுசெய்ததன் காரணமாக முதல் டெஸ்ட் போட்டியில் இருந்து விலகினார். இதன் காரணமாக இந்திய அணியை ஜஸ்பிரித் பும்ரா வழிநடத்தவுள்ளார்.

மேற்கொண்டு ஷுப்மன் கில் பயிற்சியின் போது ஏற்பட்ட காயம் காரணமாக முதல் போட்டியில் பங்கேற்க மாட்டார் என கூறப்படுவதால், அவரது இடத்தில் தேவ்தத் படிக்கல்லும், அணியின் தொடக்க வீரராக கேஎல் ராகுலும் களமிறங்க வாய்ப்புள்ளதாக தகவல் வெளியாகியுள்ளடு. இந்நிலையில், இத்தொடரில் விராட் கோலியை ஆஸ்திரேலிய வீரர்கள் சீண்ட வேண்டாம் என ஆஸ்திரேலிய அணியின் முன்னாள் ஆல்ரவுண்டர் ஷேன் வாட்சன் எச்சரிக்கை விடுத்துள்ளார். 

இதுகுறித்து பேசிய அவர், "விராட்டைப் பற்றி எனக்குத் தெரிந்த ஒன்று, அவருக்குள் மிகவும் ஆழமான மற்றும் வலுவான நெருப்பு எரிகிறது. இந்த நெருப்பின் காரணமாக ஒவ்வொரு பந்துக்கும் அவர் கொண்டு வரும் ஆற்றலும் உற்சாகமும் உண்மையிலேயே ஆச்சரியமாக இருக்கிறது. ஆனால், சமீப காலங்களில் அவரது கேரியரில் அந்த நெருப்பு கொஞ்சம் கொஞ்சமாக குறைந்த சில தருணங்கள் உள்ளன, ஏனென்றால் விளையாட்டின் ஒவ்வொரு தருணத்திலும் அந்த வேகத்தை பராமரிப்பது மிகவும் கடினம்.

இந்த சமயத்தில் ஆஸ்திரேலிய அணி அவரை கண்டுகொள்ளாமல் தனியே விட்டுவிட வேண்டும். இல்லையெனில், அவர்கள் அதற்கான விலையை கொடுக்க நேரிடும். இதற்கு முன் அவர் ஆஸ்திரேலியாவில் வெற்றி பெற்றதற்குக் காரணம், அவர் களத்தில் நடக்கும் அனைத்திலும் முழு ஈடுபாட்டுடன் இருந்ததால் தான். ஏனெனில் ஒவ்வொரு பந்தையும் அவர் முழு கவனத்துடன் விளையாடினார். அதனால் அவர் நிச்சயம் இத்தொடரில் மீண்டும் தனது ஃபார்முக்கு திரும்புவார்” என்று தெரிவித்துள்ளார். 

சர்வதேச டெஸ் கிரிக்கெட்டில் ஆதிக்கம் செலுத்தி வந்த இந்திய அணியின் நட்சத்திர வீரர் விராட் கோலி, கடந்த் 2021ஆம் ஆண்டில் இருந்து பெரிதளவில் ரன்களைச் சேர்க்க முடியாமல் தடுமாறி வருகிறார். அதிலும் குறிப்பாக சமீபத்தில் நடந்து முடிந்த வங்கதேசம், நியூசிலாந்து தொடர்களிலும் பெரிதளவி சோபிக்க தவறியதால் அவர் மீதான அழுத்தமும், விமர்சனமும் அதிகரித்துள்ளன. இதனால் இத்தொடரில் அவர் எவ்வாறு செயல்படுவார் என்ற எதிர்பார்ப்புகளும் அதிகரித்துள்ளன.