எங்களின் சிறந்த ஆட்டத்தை வெளிப்படுத்த ஆர்வமாக உள்ளோம் - கேரி ஸ்டெட்!
இலங்கை அணிக்கு எதிரான இரண்டாவது டெஸ்ட் போட்டியில் நியூசிலாந்து அணியானது மீண்டும் வெற்றி பாதைக்கும் திரும்பும் என அந்த அணி பயிற்சியாளர் கேரி ஸ்டெட் தெரிவித்துள்ளார்.
இதையடுத்து அணிகளுக்கும் இடையேயான இரானடாவது டெஸ்ட் போட்டியானது நாளை (செப்.26) கலே கிரிக்கெட் மைதானத்தில் நடைபெறவுள்ளது. இதில் இலங்கை அணியானது கடைசியாக விளையாடிய டெஸ்ட் போட்டியில் வெற்றிபெற்ற கையோடு இப்போட்டியை எதிர்கொள்கிறது. அதேசமயம் நியூசிலாந்து அணி கடைசியாக விளையாடி போட்டியில் தோல்வியைத் தழுவிய கையோடு இப்போட்டியை எதிர்கொள்கிறது.
Trending
மேலும் இப்போட்டியின் வெற்றி தோல்வி வைத்தே தொடரின் வெற்றியாளர் யார் என்பது தீர்மானிக்கப்படும் என்பதால் இப்போட்டியின் மீதான எதிர்பார்ப்புகள் அதிகரித்துள்ளன. இதனையடுத்து இப்போட்டியில் விளையாடும் இலங்கை அணியின் பிளேயிங் லெவனை இலங்கை கிரிக்கெட் வாரியம் இன்று அரிவித்துள்ளது. மறுபக்கம் நியூசிலாந்து அணியின் பிளேயிங் லெவனிலும் சில மாற்றங்கள் நடைபெறும் என்று கணிக்கப்படுகிறது.
இந்நிலையில் இரண்டாவது டெஸ்ட் போட்டியில் நியூசிலாந்து அணியானது மீண்டும் வெற்றி பாதைக்கும் திரும்பும் என அந்த அணி பயிற்சியாளர் கேரி ஸ்டெட் தெரிவித்துள்ளார். இதுகுறித்து பேசிய அவர், “பெரும்பாலும், இது மிகவும் சமமான போட்டியாக இருந்தது, சிறிய தருணங்கள் கூட விளையாட்டின் போக்கை மொத்தமா மாற்றியது. மேலும் இங்குள்ள சூழல் நியூசிலாந்திற்கு முற்றிலும் வேறுபட்டவை. இதனால் நாங்கள் இந்த சூழலிற்கு ஏற்றவாறு எங்களை தயார்செய்துகொள்ள் வேண்டும்.
இந்நிலையில் இலங்கை அணிக்கு எதிரான இரண்டாவது டெஸ்ட் போட்டில் நாங்கள் முழு கவனத்தை செலுத்தி விளையாடுவது மிகவும் முக்கியமானது. ஏனெனில் எங்களில் உலக டெஸ்ட் சாம்பியன்ஷிப் தொடருக்கான புள்ளிகள் தற்போது ஆபத்தில் உள்ளன. அதனால் நாங்கள் எங்களின் சிறந்த ஆட்டத்தை வெளிப்படுத்த ஆர்வமாக உள்ளோம்” என்று தெரிவித்துள்ளார்.
Also Read: Funding To Save Test Cricket
நியூசிலாந்து உத்தேச லெவன்: டாம் லாதம், டெவான் கான்வே, கேன் வில்லியம்சன், ரச்சின் ரவீந்திரா, டேரில் மிட்செல், டாம் பிளண்டல், கிளென் பிலிப்ஸ், மைக்கேல் பிரேஸ்வெல், டிம் சௌதீ (கே), அஜாஸ் படேல், வில்லியம் ஓ ரூர்க்.
Win Big, Make Your Cricket Tales Now
