SL vs WI, 1st T20I: அசலங்கா, கமிந்து அதிரடி அரைசதம்; வெஸ்ட் இண்டீஸுக்கு 180 ரன்கள் டார்கெட்!
வெஸ்ட் இண்டீஸ் அணிக்கு எதிரான முதல் டி20 போட்டியில் டாஸை இழந்து முதலில் பேட்டிங் செய்த இலங்கை அணி 180 ரன்களை இலக்காக நிர்ணயித்துள்ளது.
வெஸ்ட் இண்டீஸ் அணி இலங்கையில் சுற்றுப்பயணம் மேற்கொண்டு மூன்று போட்டிகளை உள்ளடக்கிய ஒருநாள் மற்றும் டி20 தொடர்களில் விளையாடி வருகிறது. இதில் இரு அணிகளுக்கும் இடையேயான முதல் டி20 போட்டி தம்புளாவில் உள்ள ரங்கிரி தம்புளா சர்வதேச மைதானத்தில் இன்று நடைபெற்றது. மழை காரணமாக தாமதமாக தொடங்கிய இப்போட்டியில் டாஸ் வென்ற வெஸ்ட் இண்டீஸ் அணி முதலில் பந்துவீசுவதாக அறிவித்தது.
இதனையடுத்து முதலில் பேட்டிங் செய்ய களமிறங்கிய இலங்கை அணிக்கு பதும் நிஷங்கா மற்றும் குசால் மெண்டிஸ் இணை தொடக்கம் கொடுத்தனர். இருவரும் இணைந்து அதிரடியாக தொடங்கிய நிலையில் 11 ரன்களில் பதும் நிஷங்கா தனது விக்கெட்டை இழந்தார். அவரைத்தொடர்ந்து களமிறங்கிய குசால் பெரேரா 6 ரன்களுடன் பெவிலியன் திரும்ப, அணியின் மற்றொரு தொடக்க வீரரன குசால் மெண்டிஸூம் 19 ரன்களுடன் ஆட்டமிழந்து ஏமாற்றமளித்தார். இதனால் இலங்கை அணியானது 58 ரன்களில் 3 விக்கெட்டுகளை இழந்து தடுமாறியது.
Trending
அதன்பின் இணைந்த கமிந்து மெண்டிஸ் மற்றும் கேப்டன் சரித் அசலங்கா இணை பொறுப்பான ஆட்டத்தை வெளிப்படுத்தி விக்கெட் இழப்பை தடுத்து நிறுத்தினர். ஒருகட்டத்திற்கு மேல் இருவரும் இணைந்து அடுத்தடுத்து பவுண்டரிகளை விளாசித் தள்ள அணியின் ஸ்கோரும் மளமளவென உயரத்தொடங்கியது. இப்போட்டியில் அபாரமாக விளையாடி வந்த கமிந்து மெண்டிஸ் சர்வதேச டி20 கிரிக்கெட்டில் தனது இரண்டாவது அரைசதத்தைப் பதிவுசெய்தார். இதன்மூலம் இருவரது பார்ட்னர்ஷிப்பும் 80 ரன்களை கடந்த நிலையில், 5 பவுண்டரி, 2 சிக்ஸர்கள் என 51 ரன்களைச் சேர்த்திருந்த கமிந்து மெண்டிஸ் ஆட்டமிழந்தார்.
Also Read: Funding To Save Test Cricket
அதேசமயம் மறுபக்கம் அபாரமாக விளையாடிவந்த சரித் அசலங்கா தனது 6ஆவது அரைசதத்தை கடந்து அசத்திய நிலையில், 9 பவுண்டரிகளுடன் 59 ரன்களை எடுத்த நிலையில் விக்கெட்டை இழந்தார். அவரைத்தொடர்ந்து அதிரடியாக விளையாட முயன்ற பனுகா ரஜபக்ஷாவும் 17 ரன்களில் ஆட்டமிழக்க, இலங்கை அணி 20 ஓவர்கள் முடிவில் 6 விக்கெட்டுகளை இழந்து 179 ரன்களைக் குவித்தது. வெஸ்ட் இண்டீஸ் அணி தரப்பில் ரொமாரியோ ஷெப்பர்ட் 2 விக்கெட்டுகளயும், ஷமார் ஜோசப், அல்ஸாரி ஜோசப், குடகேஷ் மோட்டி, ஷமார் ஸ்பிரிங்கர் அகியோர் தலா ஒரு விக்கெட்டை கைப்பற்றினர்.
Win Big, Make Your Cricket Tales Now
