சர்வதேச மகளிர் கிரிக்கெட்டில் புதிய வரலாறு படைத்தார் ஸ்மிருதி மந்தனா!
சர்வதேச மகளிர் ஒருநாள் கிரிக்கெட்டில் இந்திய அணிக்காக அதிக சதங்களை அடித்த வீராங்கனை எனும் சாதனையை ஸ்மிருதி மந்தனா படைத்துள்ளார்.
இந்நிலையில் இரு அணிகளுக்கும் இடையேயான மூன்றாவது மற்றும் கடைசி ஒருநாள் போட்டி இன்று நடைபெற்றது. இப்போட்டியில் டாஸ் வென்று முதலில் பேட்டிங் செய்த நியூசிலாந்து மகளிர் அணியில் புரூக் ஹாலிடே மற்றும் ஜார்ஜியா பிளிம்மரை தவிர்த்து மற்ற வீராங்கனைகள் சொற்ப ரன்களுக்கு விக்கெட்டுகளை இழந்து பெவிலியன் திரும்பினார். இதனால் நியூசிலாந்து அணி 49.5 ஓவர்களில் அனைத்து விக்கெட்டுகளையும் இழந்து 232 ரன்களுக்கு ஆல் அவுட்டானது.
Trending
இதில் அதிகபட்சமாக புரூக் ஹாலிடே 9 பவுண்டரி, 3 சிக்ஸர்கள் என 86 ரன்களையும், ஜார்ஜியா பிளிம்மர் 39 ரன்களையும் எடுத்தனர். இந்திய அணி தரப்பில் அதிகபட்சமாக தீப்தி சர்மா 3 விக்கெட்டுகளை கைப்பற்றினார். இதனையடுத்து இலக்கை நோக்கி களமிறங்கிய இந்திய அணியில் ஸ்மிருதி மந்தனா தனது சதத்தையும், கேப்டன் ஹர்மன்பிரீத் கவுர் அரைசதமும் அடித்து அசத்த இந்திய அணியின் வெற்றியும் எளிதானது.
இதன்மூலம் இந்திய மகளிர் அணி 44.2 ஓவர்களில் இலக்கை எட்டியதுடன் 6 விக்கெட் வித்தியாசத்தில் நியூசிலாந்தை வீழ்த்தி வெற்றிபெற்றது. இந்திய அணி தரப்பில் அதிகபட்சமாக ஸ்மிருதி மந்தனா 100 ரன்களையும், இறுதிவரை ஆட்டமிழக்காமல் இருந்த ஹர்மன்பீரித் கவுர் 59 ரன்களையும் சேர்த்தனர். இந்த வெற்றியின் மூலம் இந்திய மகளிர் அணி 2-1 என்ற கணக்கில் நியூசிலாந்து மகளிர் அணியை வீழ்த்தி வெற்றிபெற்றது.
Smriti Mandhana Creates History!#NZwvINDw #NewZealand #India #Cricket pic.twitter.com/1EvsOmGRyz
— CRICKETNMORE (@cricketnmore) October 29, 2024Also Read: Funding To Save Test Cricket
இந்நிலையில் இப்போட்டியில் சதமடித்து அசத்திய ஸ்மிருதி மந்தனா சர்வதேச ஒருநாள் கிரிக்கெட்டில் தனது 8ஆவது சதத்தைப் பதிவுசெய்து அசத்தினார். இதன்மூலம் சர்வதேச மகளிர் ஒருநாள் கிரிக்கெட்டில் இந்திய அணிக்காக அதிக சதங்களை அடித்த வீராங்கனை எனும் சாதனையை ஸ்மிருதி மந்தனா படைத்துள்ளார். முன்னதாக இந்திய அணியின் முன்னாள் கேப்டன் மிதாலி ராஜ், ஸ்மிருதி மந்தனா இருவரும் தலா 7 சதங்களுடன் முதலிடத்தில் இருந்த நிலையில், அதனை தற்போது மந்தனா முறியடித்து அசத்தியுள்ளார்.
Win Big, Make Your Cricket Tales Now
